اسەم ورىنباي ستەند اتۋدان الەم كۋبوگىنىڭ فينالىنا شىقتى
استانا. KAZINFORM - الماتى وبلىسىندا ەرلەر مەن ايەلدەر اراسىنداعى «سكيت» ديستسيپليناسى بويىنشا ستەند اتۋدان الەم كۋبوگىنىڭ ىرىكتەۋ كەزەڭدەرى اياقتالدى.
قازاقستان قۇراماسىنىڭ كوشباسشىسى اسەم ورىنباي ىرىكتەۋدەن ءساتتى ءوتىپ، جارىستىڭ فينالىنا جولداما الدى، دەپ حابارلايدى ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتى.
ىرىكتەۋ قورىتىندىسى بويىنشا، وتانداسىمىز 118 ۇپاي جيناپ، تۋرنيردىڭ ەڭ ۇزدىك سەگىز سپورتشىسىنىڭ قاتارىنا ەندى. ايەلدەر اراسىنداعى فينال ساعات 15:30 دا باستالادى.
وسىعان دەيىن الماتىدا ستەند اتۋدان الەم كۋبوگى كەزەڭى باستالعانى تۋرالى جازعان ەدىك.
