امەريكالىق مۋزىكانت «اداي» كۇيىن ورىندادى

رەسپۋبليكا كۇنىنە وراي «قازاق كونسەرت» مەملەكەتتىك كونسەرتتىك ۇيىمىندا ء«بىزدىڭ جارمەڭكە» اتتى مەرەكەلىك كونسەرت ءوتتى.

كەش بارىسىندا حالىق اندەرى مەن كۇيلەرى ورىندالىپ، جىر-تەرمەلەر شىرقالىپ، ۇلتتىق بيلەر ۇسىنىلدى.

ساحنادا قازاقستاننىڭ ەڭبەك سىڭىرگەن قايراتكەرلەرى نۇرجان جانپەيىسوۆ، كۇيشى-زەرتتەۋشى ايتولقىن توقتاعان، «قىزدار» انسامبلى مەن «شالقىما» ءبي انسامبلى جانە باسقا دا ونەرپازدار ونەر كورسەتتى.

كونسەرتتىڭ ەرەكشە ساتتەرىنىڭ ءبىرى – ا ق ش-تان كەلگەن اۋەسقوي مۋزىكانت دجەففتىڭ دومبىرامەن قۇرمانعازىنىڭ ايگىلى «اداي» كۇيىن ورىنداۋى بولدى. ونىڭ ونەرى كورەرمەندەردىڭ ىستىق ىقىلاسىنا بولەنىپ، قازاقتىڭ كۇي ونەرىنە شەتەلدە دە قىزىعۋشىلىق جوعارى ەكەنىن كورسەتتى.

مادەنيەت جانە اقپارات مينيسترلىگى مالىمەتىنشە، «ءبىزدىڭ جارمەڭكە» كونسەرتى ۇلتتىق مادەني مۇرانى دارىپتەپ، ءداستۇرلى ونەر مەن زاماناۋي شىعارماشىلىقتى توعىستىردى.