پاريج وليمپياداسىنىڭ مەدالى تانىستىرىلدى
استانا. KAZINFORM - بۇگىن 26- شىلدە مەن 11- تامىز ارالىعىندا پاريجدە وتەتىن جازعى وليمپيا ويىندارىنىڭ مەدالدارى تانىستىرىلدى.
ق ر ۇلتتىق وليمپيادالىق كوميتەتى ءمالىم ەتكەندەي، جۇلدەنىڭ باسقالاردان باستى ايىرماشىلىعى - مەدال ورتاسىندا ەيفەل مۇناراسى بەينەلەنگەن.
«وسى التىن، كۇمىس جانە قولانى جۇلدەنىڭ ەڭ باستى قۇندى بولىگى - ەيفەل مۇناراسىمەن ۇشتاستىرۋ ءۇشىن ۇلكەن جۇمىس اتقارىلدى»، - دەلىنگەن حالىقارالىق وليمپيادا كوميتەتىنىڭ سايتىندا.
جالپى ەسەبى 5084 مەدال شىعارىلدى. ونىڭ ءارقايسىسىندا 18 گرام ەيفەل مۇناراسى بار.
ايتا كەتەيىك، ءدال بۇگىنگى كۇنگە دەيىن قازاقستان دەلەگاتسياسىنىڭ قورجىنىندا پاريج وليمپياداسىنىڭ 8 سپورت تۇرىنەن 19 ليتسەنزياسى بار (ساداق اتۋ – 4، تاس جولداعى ۆەلوسپورت – 3، نىسانا كوزدەۋ – 5، قازىرگى بەسسايىس – 2، بوكس – 2، گرەك-ريم كۇرەسى – 1، ەركىن كۇرەس – 1، سپورتتىق گيمناستيكا - 1).
اۆتوركۇنسۇلتان وتارباي
