پاريج وليمپياداسىندا جالپى ەسەپتە ا ق ش قۇراماسى كوش باستادى

پاريج. KAZINFORM - بۇگىن فرانسيا استاسى پاريج قالاسىندا ءوتىپ جاتقان وليمپيادا ويىندارى مارەسىنە جەتىپ، ەڭ ۇزدىك كوماندا بەلگىلى بولدى.

ناقتىراق ايتساق، پاريج وليمپياداسىندا ا ق ش قۇراماسى 40 التىن، 44 كۇمىس، 42 (126) قولا مەدالمەن جالپى مەدالدار كەستەسىندە كوش باستادى.

ەكىنشى ورىنعا 40 التىن، 24 كۇمىس، 27 قولا (91) جۇلدە جەڭىپ العان قىتاي قۇراماسى يەلىك ەتتى. قىتاي قۇراماسىنىڭ التىندار سانى ا ق ش-پەن تەڭ بولعانىمەن كۇمىس جۇلدەلەر سانى جاعىنان كوش بويى ارتتا قالدى.

ۇزدىك تورتتىكتى اۆستراليا قۇراماسى تۇيىندەدى. ولاردىڭ ەنشىسىندە 18 التىن، 19 كۇمىس، 16 قولا - 53 جۇلدە بار.

ال جارىس قوجايىندارى فرانسيا قۇراماسى وليمپيادا ويىندارىن ۇزدىك بەستىكپەن اياقتادى. ولار - 16 التىن، 26 كۇمىس، 22 قولا (64 ) جۇلدە جەڭىپ الدى.

جالپى پاريج وليمپياداسىندا 205 مەملەكەتتەن سپورتشى قاتىسىپ، ولاردىڭ اراسىندا 84 مەملەكەت جۇلدەگە ىلىكتى. 62 ەلگە چەمپيوندىق اتاق بۇيىرسا، 74 ەل كۇمىس جۇلدەگە قول جەتكىزدى. ال 84 مەملەكەت قولانىڭ ءدامىن تاتتى.

وليمپيادا ويىندارىندا ۇزدىك اتانعان العاشقى 215 ەل:

1.ا ق ش - 40 التىن، 44 كۇمىس، 42 قولا - 126 جۇلدە

2. قىتاي - 40 التىن، 24 كۇمىس، 27 قولا - 91 جۇلدە

3. جاپونيا - 20 التىن، 12 كۇمىس، 13 قولا - 45 جۇلدە

4. اۆستراليا - 18 التىن، 19 كۇمىس، 16 قولا - 53 جۇلدە

5. فرانسيا - 16 التىن، 26 كۇمىس، 22 قولا - 64 جۇلدە

6. نيدەرلاند - 15 التىن، 7 كۇمىس، 12 قولا - 34 جۇلدە

7. ۇلى بريتانيا - 14 التىن، 22 كۇمىس، 29 قولا - 65 جۇلدە

8. وڭتۇستىك كورەيا - 13 التىن، 9 كۇمىس، 10 قولا - 32 جۇلدە

9. يتاليا - 12 التىن، 13 كۇمىس، 15 قولا - 40 جۇلدە

10. گەرمانيا - 12 التىن، 13 كۇمىس، 8 قولا - 33 جۇلدە

11. جاڭا زەلانديا - 10 التىن، 7 كۇمىس، 3 قولا - 20 جۇلدە

12. كانادا - 9 التىن، 7 كۇمىس، 11 قولا - 27 جۇلدە

13. وزبەكستان - 8 التىن، 2 كۇمىس، 3 قولا - 13 جۇلدە

14. ۆەنگريا - 6 التىن، 7 كۇمىس، 6 قولا - 19 جۇلدە

15. يسپانيا - 5 التىن، 4 كۇمىس، 9 قولا - 18 جۇلدە

43. قازاقستان - 1 التىن، 3 كۇمىس، 3 قولا - 7 جۇلدە.

اۆتور
كۇنسۇلتان وتارباي