پاريج وليمپياداسىن ۇيىمداستىرۋشىلار گولوۆكينگە قۇرمەت كورسەتىپ، بوكس باسەكەسىن اشۋ مارتەبەسىن ۇسىندى
استانا. KAZINFORM - قازاقستان ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين بوكستان وليمپيادا ويىندارىنىڭ كەزەكتى جارىس كۇنىن اشىپ بەردى، دەپ جازدى Olympic.kz.
2024 -جىلعى پاريج وليمپياداسىن ۇيىمداستىرۋشىلار داڭقتى قازاقستاندىق سپورتشىعا قۇرمەت كورسەتىپ، 31-شىلدەدەگى بوكس باسەكەسىن اشۋ مارتەبەسىن ۇسىندى.
گەننادي گولوۆكين اعاش تاياقپەن ەدەندى ءۇش رەت ۇرىپ، جەكپە-جەكتەردىڭ باستالعانىن حابارلادى.
بۇل 2024 -جىلعى وليمپيادا ويىندارىنا ەنگىزىلگەن باستى جاڭالىقتاردىڭ ءبىرى. ۇيىمداستىرۋشىلار فرانسيانىڭ مادەني داستۇرلەرىنە باسىمدىق بەرە وتىرىپ، تەاتر مەن سپورتتى بىرىكتەرۋگە ۇمتىلعان.
اتالعان ءداستۇر كوپشىلىكتى سپورتشىلاردىڭ ونەرىنە ۇلكەن قۇرمەتپەن قاراۋعا شاقىرادى.
ءۇش سوققى كورەرمەندەردى ءاربىر وقيعانىڭ جانكۇيەر قۇرمەتىنە لايىق ەكەنىن ەسكە سالادى جانە ءۇش سوققى ورىندالعان كەزدە تەاترداعى سەكىلدى، تريبۋناعا جينالعان جانكۇيەرلەر دە ءبىر مينۋت ۇنسىزدىك ساقتاۋى كەرەك.
اۆتور
ەلميرا ورالبايەۆا
