پاريج وليمپياداسى: قازاقستان قورجىنىندا قازىر قانشا جولداما بار

Париж  Олимпиадасы: Қазақстан қоржынында қазір қанша жолдама бар
Фото: dknews.kz

بيىل فرانسيا تورىندە الاۋى تۇتاناتىن XXXIII جازعى وليمپيادا ويىندارىنا دايىندىق قىزا تۇسۋدە. جارتى جىلداي ۋاقىت قالعان باستى دوداعا ەل قۇراماسى قازىرگە دەيىن سپورتتىڭ 8 ءتۇرى بويىنشا 17 ليتسەنزيا الىپ ۇلگەردى، دەپ حابارلايدى Kazinform.

اتاپ ايتساق، قازاقستاندىق سپورتشىلار جاڭا جىلعا دەيىن ساداق اتۋ، ۆەلوشوسسە، وق اتۋ، قازىرگى بەسسايىس، گرەك-ريم جانە ەركىن كۇرەس، بوكس جانە سپورتتىق گيمناستيكادان جولداما جەڭىپ الدى.

الدا پاريج وليمپياداسىنا ليتسەنزيا تارتىلاتىن 90 عا تارتا تۋرنير بار. دەمەك، ءتورتجىلدىق باستى باسەكەگە بارۋعا سپورتشىلار الداعى ۋاقىتتا بىلەك سىبانا كىرىسەرى داۋسىز.

ەستەرىڭىزگە سالا كەتەيىك، پاريجدەگى وليمپيادا ويىندارىندا 32 سپورت تۇرىنەن 329 مەدال جيىنتىعى ساراپقا سالىنادى.

2024-جىلعى وليمپيادا ويىندارىنىڭ باعدارلاماسىنا ەنگەن سپورت تۇرلەرى:

اكادەميالىق ەسۋ، بادمينتون، باسكەتبول (ونىڭ ىشىندە 3x3 باسكەتبول بار)، بوكس، كۇرەس، برەيكينگ، ۆەلوسپورت، سۋ سپورتى تۇرلەرى، ۆولەيبول، جاعاجاي ۆولەيبولى، گاندبول، گيمناستيكا (باتۋت، سپورتتىق گيمناستيكا، كوركەم گيمناستيكا)، گولف، بايداركا مەن كانوەدە ەسۋ، دزيۋدو، ات سپورتى، جەڭىل اتلەتيكا، ۇستەل تەننيسى، جەلكەندى سپورت، رەگبي-7، سەرفينگ، سكەيتبوردينگ، قازىرگى بەسسايىس، سپورتتىق قۇزعا ورمەلەۋ، ساداق اتۋ، سپورتتىق اتۋ، تەننيس، ترياتلون، تاەكۆوندو، اۋىر اتلەتيكا، فۋتبول، كوگالداعى حوككەي.

ايتا كەتەيىك، پاريجدەگى وليمپيادا ويىندارى وسى جىلدىڭ 26- شىلدەسى مەن 11- تامىزى ارالىعىندا وتەدى.

اۆتوركۇنسۇلتان وتارباي

سوڭعى جاڭالىقتار