پاريج وليمپياداسى قارساڭىندا جۇزدەگەن تىگىنشى جۇمىس ىستەپ جاتىر

Париж Олимпиадасы қарсаңында жүздеген тігінші жұмыс істеп жатыр
Фото: france24.com

استانا. KAZINFORM - فرانسيا بويىنشا 500 دەن استام تىگىنشى مەن ديزاينەر پاريجدە وتەتىن جازعى وليمپيادا ويىندارىنىڭ اشىلۋ جانە جابىلۋ سالتاناتىنا ارنالعان مىڭداعان بىرەگەي كوستيۋمدى تىگىپ، اياقتاۋ ءۇشىن بارىن سالىپ جاتىر.

بۇل تۋرالى France24.com جازدى.

قولونەرشىلەر ارمياسى پاريج وليمپياداسىنىڭ سالتاناتتى راسىمدەرىنە ارنالعان مىڭداعان كوستيۋم تىگۋدە. ديزاينەرلەردىڭ ايتۋىنشا، ءار كيىم ۇلگىسى تاريح، سپورت جانە ءسان-سالتاناتتىڭ بىرەگەي ۇيلەسىمى بولادى.

«ءبىز الەمدەگى ەڭ ۇلكەن ساۋىق كەشىن وتكىزگەلى وتىرمىز»، - دەدى وليمپيادانى ۇيىمداستىرۋ كوميتەتىنىڭ كوستيۋمدەر جونىندەگى ديرەكتورى دافنا بۋركي.

ول بۇرىن «Dior» - دا دجون گالياانونىڭ قول استىندا جۇمىس ىستەگەن.

كوستيۋمدەردى دايىنداۋعا 15 كە جۋىق ديزاينەر جۇمىلدىرىلعان، ولار 500 گە جۋىق شەبەرگە جەتەكشىلىك ەتۋدە. اتالعان قىزمەتكەرلەر وليمپيادا جانە پاراليمپيادا ويىندارىنىڭ اشىلۋ جانە جابىلۋ سالتاناتىندا جۇمىس ىستەيدى.

26-شىلدەدە سەنا وزەنى مەن ونىڭ كوپىرلەرىنىڭ بويىندا وتەتىن 7 شاقىرىمدىق العاشقى سالتاناتتى راسىمگە 200 گە جۋىق كوستيۋم ديزاينەرى مەن 300 ۆيزاجيست قاتىسادى دەپ كۇتىلىپ وتىر.

«كيىم قالدىقتارى مەن لاستانۋى تۋرالى الاڭداۋشىلىق كۇشەيىپ كەلە جاتقان داۋىردە «بۇرىن ءومىر سۇرگەن جانە كەيىن دە بولاتىن» ۆينتاجدى جانە كيىلگەن كيىمدى پايدالانۋعا قاتتى كوڭىل بولىنۋدە. سىزدەر ءۇش مىڭ ەرەكشە سۇلبانى كورەسىزدەر جانە ءار كيىم ءوز تاريحىن باياندايدى»، - دەگەن د. بۋركي.

ول 3 مىڭ كيىمنىڭ اراسىندا ەكى بىردەي كوستيۋم بولمايدى دەپ ۋادە بەردى.

سوڭعى جاڭالىقتار