پاريج-2024: قازاقستاندىق سپورتشى وليمپيادانىڭ 49-جولداماسىن جەڭىپ الدى

استانا. KAZINFORM - قازاقستاندىق سپورتشى ەدۋارد ەشەنكو فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىنىڭ جولداماسىن جەڭىپ الدى.

ول جولداماعا ستەند اتۋدان قاتار استاناسى دوحادا ءوتىپ جاتقان ليتسەنزيالىق تۋرنيردە قول جەتكىزدى.

سپورتتى دامىتۋ ديرەكسياسىنىڭ باسپا ءسوز قىزمەتى اتاپ وتكەندەي، بۇل ەل قورجىنىنا تۇسكەن 49-جولداما.

ەدۋارد ەشەنكو سكيت باعدارلاماسىندا جەكەلەي سىندا فينالعا جەتىپ، ۇزدىك ۇشتىككە ىلىكتى.

ەدۋارد التىن جانە كۇمىس جۇلدەگەر اتانعان سپورتشىدان تەك 1 ۇپاي قالىپ كەتتى (35 ۇپاي).

بۇل ستەند اتۋ شەبەرلەرىنىڭ 2-جولداماسى. وسىعان دەيىن تراپ جاتتىعۋىندا ماريا دميتريەنكو كومانداعا ليتسەنزيا سىيلاعان.

ايتا كەتەيىك، نىسانا كوزدەۋدە جولداما سپورتشىنىڭ جەكە وزىنە ەمەس، ۇلتتىق فەدەراتسياعا بەرىلەدى.

قازىر قازاقستان قورجىنىندا جازعى ويىنداردىڭ 49 جولداماسى بار.

ەستەرىڭىزگە سالا كەتسەك، وسىعان دەيىن ەل قورجىنىنا 48 جولداما تۇسكەنىن جازعان بولاتىنبىز.

XXXIII جازعى وليمپيادا ويىندارى 2024-جىلدىڭ 26-شىلدەسى مەن 11-تامىز ارالىعىندا وتەدى.

اۆتوركۇنسۇلتان وتارباي