پاريج-2024: قازاقستان قۇراماسى پاراليمپياداعا قانشا جولداما يەلەندى
استانا. KAZINFORM - وليمپيادا ويىندارىنا دايىندىق شتابى پاريجدە وتەتىن پاراليمپيادا ويىندارىنا قازاقستان قۇراماسى قانشا جولداما جەڭىپ العانىن ايتتى.
«وسى ۋاقىتقا دەيىن پاراليمپياداشىلار 11 ليتسەنزيا جەڭىپ الدى. اتاپ ايتسام، وتىرىپ وينايتىن ۆولەيبولدان ەرلەر قۇراماسى، پارا جەڭىل اتلەتيكا بويىنشا يادرو لاقتىرۋ، پارا كانوە، پارا پاۋەرليفتينگ جانە پارا نىسانا كوزدەۋ سپورتتارىنان ءبىر- ءبىر جولداما جەڭىپ السا، پارا ءجۇزۋ سپورتى مەن پارا تاەكۆوندودان ۇشتەن جولداماعا قول جەتكىزدى»، - دەدى شتاب باسشىسى ەلسيار قاناعاتوۆ KAZINFORM ءتىلشىسىنىڭ ساۋالىنا بەرگەن جاۋابىندا.
سونىمەن قاتار شتاپ باسشىسى قازىرگى تاڭدا ۇلتتىق قۇراما سپورتشىلارىنىڭ اعىمداعى جاعدايى، دەلەگاتسيانىڭ جوسپارلى قۇرامىن قاراۋ، قارجىلاندىرۋ مەن باسقا اقپاراتتىق ۇيىمداستىرۋشىلىق دايىندىق ماسەلەلەرى باقىلاۋدا ەكەنىن، جالپى دە اتاپ ءوتتى.
«قازىرگى تاڭدا پاراليمپياداعا دەيىن پىسىقتايتىن ماسەلەلەر كوپ. دەگەنمەن اتقارىلىپ جاتقان دايىندىق جۇمىستارى دا از ەمەس. پارا سپورتشىلارىمىزعا لايىقتى كوڭىل ءبولىنىپ، جان-جاقتى جاعدايلار جاسالۋىندا. شتاب پارا سپورتشىلارعا بارىنشا قولداۋ كورسەتىپ، ۇيىمداستىرۋشىلىق جۇمىستارىن جالعاستىرۋدا. جالپى پاراليمپيادا ويىندارىندا قازاقستان ۇلتتىق قۇراماسى سپورتتىڭ 9 تۇرىنەن - پارا جەڭىل اتلەتيكا، پارا پاۋەرليفتينگ، پارا تاەكۆوندو، پارا ۇستەل تەننيسى، پارا ءجۇزۋ، پارا دزيۋدو، پارا كانوە، وتىرىپ وينايتىن ۆولەيبول، پارا نىسانا كوزدەۋ ونەر كورسەتۋدى جوسپارلاپ وتىر»، - دەدى شتاب باسشىسى.
ايتا كەتسەك، 17-شى جازعى پاراليمپيادا بيىل 28-تامىز بەن 8-قىركۇيەك ارالىعىندا فرانسيا استاناسى پاريجدە وتەدى.
جارىسقا الەمنىڭ 184 ەلىنەن 4000 مىڭنان استام سپورتشى قاتىسىپ، 22 سپورت تۇرىنەن 549 مەدال جيىنتىعى ساراپقا سالىنادى.
اۆتور
كۇنسۇلتان وتارباي
