17:05, 04 - تامىز 2024 | GMT +5
پاريج-2024: نۇربەك ورالباي فينالعا جولداما الدى
پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا نۇربەك ورالباي جارتىلاي فينالدا قارسىلاسىن جەڭىپ، فينالعا شىقتى.
80 كەلى سالماقتا ەل نامىسىن قورعاپ جاتقان وتانداسىمىز جارتىلاي فينالدا دومينيكان رەسپۋبليكاسىنىڭ بىلعارى قولعاپ شەبەرى كريستيان حاۆەر پينالەسپەن جۇدىرىقتاسىپ، قارسىلاسىنان باسىم ءتۇستى.
وسىلايشا نۇربەك ورالباي فينالدىق كەزەڭگە ءوتتى. ول - ازىرگە فينالعا شىققان جالعىز قازاقستاندىق بوكسشى.
ەستەرىڭىزگە سالا كەتەيىك، نۇربەك شيرەك فينالدا ازەربايجاندىق بوكسشى مۋراد اللاحبەرديەۆتى جەڭگەن ەدى.
سونداي-اق وتانداسىمىز وسىعان دەيىن اۋستراليالىق كاللۋم پەتەرستى جارىس جولىنان تايدىرىپ، شيرەك فينالعا وتكەن بولاتىن.
اۆتور
كۇنسۇلتان وتارباي
