پاريج-2024: بادمينتون، قۇزعا ورمەلەۋ، برەيكينگ جانە جۇزۋدەن ەل نامىسىن كىمدەر قورعايدى
استانا. KAZINFORM - بۇگىن فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىنىڭ باستالۋىنا تۋرا 6 كۇن قالدى.
وسىعان وراي بۇگىن نازارلارىڭىزعا بادمينتون، قۇزعا ورمەلەۋ، برەيكينگ جانە جۇزۋدەن ەل نامىسىن قورعايتىن سپورتشىلارىمىزدى قىسقاشا تانىستارى كەتكەندى ءجون كوردىك.
وليمپياداعا باراتىن سپورتشىلاردىڭ قىسقاشا مالىمەتتەرى:
بادمينتون
دميتري اندرەيەۆيچ پانارين - 2000 -جىلى 8-قاڭتاردا قوستاناي قالاسىندا دۇنيەگە كەلگەن.
قۇزعا ورمەلەۋ
امير ايدار ۇلى مايمۇراتوۆ - 1995 -جىلى 19-شىلدەدە ءۇرجار اۋىلىندا (شىعىس قازاقستان وبلىسى) دۇنيەگە كەلگەن.
برەيكينگ
امير ۆاديموۆيچ زاكيروۆ - 1997 -جىلى 10-قازاندا پەتروپاۆل قالاسىندا تۋعان.
ءجۇزۋ
ادىلبەك رۇستەم ۇلى مۋسين - 1999 -جىلى 4-قازاندا استانا قالاسىندا دۇنيەگە كەلگەن.
كسەنيا يۋريەۆنا يگناتوۆا - 2005 -جىلى 2-تامىزدا قاراعاندى وبلىسى، ساران قالاسىندا دۇنيەگە كەلگەن.
ەستەرىڭىزگە سالا كەتەيىك، قازىرگى تاڭدا ءتورتجىلدىق دوداعا جولداما جەڭىپ العان قازاقستاندىق سپورتشىلارىمىز سوڭعى وقۋ-جاتتىعۋ جيىندارىن وتكىزىپ جاتىر. قازاقستان قۇراماسى وليمپيادا ويىندارىنا سپورتتىڭ 25 تۇرىنەن 92 جولداما جەڭىپ الدى.
ناقتىراق ايتساق، بوكس، دزيۋدو، سپورتتتىق گيمناستيكا، جەڭىل اتلەتيكا، بايداركا مەن كانوەدە ەسۋ، وقپەن اتۋ، سەمسەرلەسۋ، گرەك-ريم كۇرەسى، ەركىن كۇرەس، ساداق اتۋ، ستەندتىك اتۋ، تەننيس، ۆەلوشوسسە، ءجۇزۋ، زاماناۋي بەسسايىس، تاەكۆوندو، ۆەلوترەك، باتۋت گيمناستيكاسى، بادمينتون، اكادەميالىق ەسۋ، كوركەم گيمناستيكا، ترياتلون، ۇستەل تەننيسى، قۇزعا شىعۋ جانە برەيكينگتەن وليمپيادا ويىندارىندا سىنعا تۇسەدى.
فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 26-شىلدە مەن 11-تامىز ارالىعىندا وتەدى. ويىندارعا الەمنىڭ 205 ەلىنەن 10500 سپورتشى قاتىسادى دەپ جوسپارلانعان. وندا 32 سپورت تۇرىنەن 329 مەدال جيىنتىعى ساراپقا سالىنادى.
ايتا كەتەيىك، كەشە نازارلارىڭىزعا ەركىن كۇرەس، گرەك- ريم كۇرەسى جانە ساداق اتۋدان سىنعا تۇسەتىن سپورتشىلارىمىزدى تانىستىرعان بولاتىنبىز.
اۆتور
كۇنسۇلتان وتارباي
