مادۋروعا تۇرمەدەگى امەريكالىقتاردى ازاپتادى دەگەن جاڭا ايىپ تاعىلماق
استانا. KAZINFORM – ا ق ش فەدەرال پروكۋرورلارى ۆەنەسۋەلانىڭ بۇرىنعى پرەزيدەنتى نيكولاس مادۋرو مەن ونىڭ ايەلى سيليا فلورەسكە ۆەنەسۋەلا تۇرمەلەرىندە امەريكالىقتاردى ازاپتادى دەگەن باپپەن جاڭا ايىپتار تاعادى، دەپ حابارلايدى Kazinform اگەنتتىگىنىڭ ۆاشينگتونداعى مەنشىكتى ءتىلشىسى CBS News ارناسىنا سىلتەمە جاساپ.
مادۋرو تۇسىندا ۆەنەسۋەلا ۇكىمەتى زاڭسىز ۇستاعان وننان استام ا ق ش ازاماتىن ازاپتادى دەگەن باپپەن تاعى بىرنەشە ادامعا دا ايىپتار تاعىلۋى مۇمكىن.
مامىر ايىندا CBS News ماياميدىڭ فەدەرال پروكۋرورلارىنا مادۋروعا قارسى جاڭا قىلمىستىق تەرگەۋ باستاۋ تۋرالى بۇيرىق كەلىپ تۇسكەن، وعان سەبەپ قازىرگى سوت ءىسى جەتكىلىكتى دەڭگەيدە ءتيىمدى بولماۋى مۇمكىن.
بۇعان دەيىن بەس ادامنىڭ ولىمىنە قاتىستى دا مادۋرونىڭ ۇستىنەن تالاپ-ارىز تۇسكەن.
فلورەس بەيسەنبى كۇنى نيۋ-يوركتىڭ وڭتۇستىك وكرۋگىنىڭ فەدەرالدى سوتىندا كەپىلدىك بويىنشا تىڭداۋعا قاتىسۋى كەرەك.
ۆەنەسۋەلانىڭ بيلىكتەن شەتتەتىلگەن پرەزيدەنتى نيكولاس مادۋرو مەن ونىڭ ايەلى سيليا فلورەستىڭ سوتى 2027-جىلدىڭ 1-ماۋسىمىندا باستالادى.
