اگروبانك قۇرۋ يدەياسى ءالى جەتكىلىكتى پىسىقتالماعان - ۇلتتىق بانك ءتوراعاسى

тимур сүлейменов
Фото: ҚР Ұлттық банкі

  استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ ەلىمىزدە اگروبانك قۇرۋ باستاماسىنا قاتىستى تۇسىنىك بەردى.

ۇلتتىق بانك باسشىسى قازاقستاندا اۋىل شارۋاشىلىعىن قولداۋ قۇرالدارى وتە كەڭ ەكەنىن اتاپ ءوتتى - بۇل ا شم - ءنىڭ ءوزى دە سۋبسيديالاۋ جونىندەگى باعدارلامالارىمەن جانە جەرگىلىكتى جەرلەردە اۋىل شارۋاشىلىعى باسقارماسىمەن.

«قازاگرو» حولدينگى، ازىق- تۇلىك كورپوراتسياسى بار، «قازاگرو» قازىر «بايتەرەك» حولدينگىنىڭ قۇرامىندا. ەلىمىزدە دەپوزيتتەر تارتىپ، كرەديتتەر بەرەتىن تولىققاندى بانك قۇرۋعا مۇمكىندىك بار»، - دەدى تيمۋر سۇلەيمەنوۆ ۇلتتىق بانكتە وتكەن باسپا ءسوز ءماسليحاتىندا.

ونىڭ ايتۋىنشا، ەگەر «اگروبانك» تەك اۋىل شارۋاشىلىعى سالاسىنا نەسيە بەرسە، ول تولىققاندى بانك بولمايدى.

«دەپوزيتورلار اۋىل شارۋاشىلىعىنداعى تاۋەكەلدەر امبەباپ بانككە قاراعاندا الدەقايدا جوعارى ەكەنىن تۇسىنەدى. سوندىقتان بانك قۇرۋدىڭ يدەياسى ءالى جەتكىلىكتى زەرتتەلمەگەن سياقتى. وسى ورايدا ءبىزدىڭ ۇستانىمىمىز - اگرارشىلاردى قارجىلاي قولداۋ قاجەت بولسا، ءبىز ونى قولدايمىز. مەنىڭ ويىمشا، ماسەلەنى تەك ينستيتۋتسيونالدىق وزگەرىستەرمەن شەشۋ مۇمكىن ەمەس. تەرەڭىرەك زەرتتەپ اعىمداعى جۇيەدە قالاي جۇمىس ىستەيتىنىن كورۋ كەرەك. ەگەر ماسەلە «كولداۋ» جۇيەسىنە قاتىستى ونى وزگەرتەيىك»، - دەدى ۇلتتىق بانك باسشىسى.

سونداي- اق ت. سۇلەيمەنوۆ ۇكىمەتتىڭ ۇسىنىستارىنا بايلانىستى اۋىل شارۋاشىلىعىن قارجىلاي جانە قارجىلاي ەمەس قولداۋ بويىنشا ءوز ۇستانىمىن بىلدىرۋگە دايىن ەكەنىن اتاپ ءوتتى.

سوڭعى جاڭالىقتار