الماتىدا قالا كۇنىندە قايدا بارۋعا بولادى

قىركۇيەكتىڭ ءۇشىنشى جەكسەنبىسىندە الماتىدا قالا كۇنى تويلانادى. بيىل سالتاناتتى مەرەكە 17- قىركۇيەكتە رەسپۋبليكا سارايىنىڭ الدىنداعى اباي اتىنداعى الاڭدا وتەدى، دەپ حابارلايدى قازاقپارات ءتىلشىسى.

بۇعان قوسا، بۇل كۇنى كونسەرتتەر، كورمەلەر، فلەشبومدار، فەستيۆالدار، مەگاپوليستىڭ دامۋى مەن وركەندەۋىنە ۇلەس قوسقان جانداردى «الماتىنىڭ قۇرمەتتى ازاماتى» اتاعىمەن ماراپاتتاۋ سىندى مەرەكەلىك ءىس- شارالار وتەدى:

- ساعات 12:00-20:00 ارالىعىندا قالانىڭ 8 اۋدانىندا جانە پانفيلوۆ پەن جىبەك جولى جاياۋ جۇرگىنشىلەر كوشەلەرىندە «تۋعان كۇنىڭمەن، الماتىم!» فەستيۆالى وتەدى. مەرەكەنىڭ جالپى تۇجىرىمداماسىنا سايكەس فەستيۆال باعدارلاماسى ءتۇرلى ايماقتارعا بولىنەدى: كوماندالاردىڭ قويىلىمى، جاس ارتىستەردىڭ كونتسەرتى، قولونەرشىلەر جارمەڭكەسى، زاماناۋي ونەر كورمەسى، «كينو» كافەسىندە كينو كورسەتىلىمدەرى، جەرگىلىكتى سۋرەتشىلەر مەن ديزاينەرلەردىڭ شەبەرلىك سىنىپتارى.

- ساعات 10:00 دەن 21:00 گە دەيىن تۇڭعىش پرەزيدەنت ساياباعىندا Apple Fest وتەدى، ەكى كۇنگە ول الىپ الما ساياباققا اينالادى. فەستيۆال باعدارلاماسىندا الما بازارى، قالالىق مەيرامحانالار جارمەڭكەسى، سپورتتىق جانە كونتسەرتتىك باعدارلامالار جوسپارلانعان. وبلىستىق شارۋاشىلىقتار ساتاتىن الما وتكەن جىلعى 100 توننادان 127 تونناعا كوبەيەدى. سونىمەن بىرگە اباي الاڭىندا ساعات 10:00-دە سالتاناتتى ءىس- شارا - «الماتى قالاسىنىڭ قۇرمەتتى ازاماتى» توسبەلگىسى تاپسىرىلادى.

- ساعات 15:00 دە استانا الاڭىندا «ساعىندىم الماتىمدى» مۋزىكالىق فەستيۆالى وتەدى. سونىمەن قاتار، ساعات 20:00 دە اباي الاڭىندا «الماتى جۇلدىزدارى» مۋزىكالىق فەستيۆالى وتەدى.

الماتى قالاسىنىڭ بارلىق اۋدانىندا قالا كۇنى تويلانىپ، سالتاناتتى ءىس- شارالار وتەدى:

- جەتىسۋ اۋدانىندا ساعات 17:00 دە اينابۇلاق شاعىن اۋدانىنداعى ارباتتا جانە 17 قىركۇيەك ساعات 12:00 دە «گۇلدەر» ساياباعىندا، سەرىكوۆ كوشەسى، 2ا، قالا كۇنىن تويلاۋعا ارنالعان مەرەكەلىك كونسەرت وتەدى.

- اۋەزوۆ اۋدانىندا 17-قىركۇيەك كۇنى ساعات 17:00 دە Family park دەمالىس ساياباعىندا (اباي داڭعىلىنان كىرەبەرىس) قۋىرشاق تەاترى مەن ەسترادا جۇلدىزدارىنىڭ قاتىسۋىمەن «تۋعان كۇنىڭمەن، الماتىم!» مادەني ءىس- شارا وتەدى.

- تۇركسىب اۋدانىندا 16-17-قىركۇيەك كۇندەرى ساعات 17:00 دەن 20:00 گە دەيىن №6 وقۋشىلار ءۇيى الاڭىنىڭ الدىندا، سەيفۋللين داڭعىلى، 13/1 «تۋعان كۇنىڭمەن، الماتى!» مەرەكەلىك ءىس- شاراسى وتەدى. كەش قوناقتارى ءۇشىن قازاقستاندىق ەسترادا جۇلدىزدارى، اكروباتتار، بيشىلەر مەن سيقىرشىلار، سونىمەن قاتار، سابيلەرگە ارنالعان قۋىرشاق تەاترى جانە تانىمال «ۇلىتاۋ» ەتنو- روك- توبى ونەر كورسەتەدى.

- المالى اۋدانىندا 16-قىركۇيەكتە ساعات 10:00 دەن 18:00 گە دەيىن سەيفۋللين داڭعىلى، 483 مەكەنجايىنداعى «مەگا پارك» س و و اۋماعىندا «تۋعان كۇنىڭمەن، الماتى!» مەرەكەلىك ءىس- شارا وتەدى.

- ناۋرىزباي اۋدانىندا اۋداننىڭ ەسترادالىق جۇلدىزدارى مەن دارىندى بالالارىنىڭ قاتىسۋىمەن «الماتى - بولاشاق قالاسى» مەرەكەلىك كونتسەرتى 16-قىركۇيەكتە ساعات 11:00 دە جانە 17-قىركۇيەكتە ساعات 19:00 دە شۇعىلا ش/ا، 347 مەكەنجايىنداعى اۋدان اكىمدىگى عيماراتىنىڭ الدىندا وتەدى.

- بوستاندىق اۋدانىندا 16-قىركۇيەك كۇنى ساعات 16:00 دەن 19:00 گە دەيىن روزىباكييەۆ كوشەسى، 247ا مەكەنجايىنداعى MEGA Alma-ata س و و امفيتەاترىندا جاس ورىنداۋشىلاردىڭ قاتىسۋىمەن مەرەكەلىك كونسەرت وتەدى.

- الاتاۋ اۋدانىندا 16-قىركۇيەكتە قالا كۇنىنە وراي «الاتاۋ» د ءو ت اۋماعىندا (نۇركەنت، 6 شاعىن اۋدانى) ساعات 18:00 دە «اسىل مۇرا» ءداستۇرلى مۋزىكاسىنىڭ مەرەكەلىك كەشى، ال 20:00 دە «دوس- مۇقاسان» توبى ونەر كورسەتەدى.