قازاقستان تەلەارنالارىندا حابار تاراتۋ قاشان قالپىنا كەلتىرىلەدى

قازىرگى كەزدە «رەسپۋبليكالىق عارىشتىق بايلانىس ورتالىعى» ا ق ۇلتتىق وپەراتورى عارىش اپپاراتىن جاساۋشى «م. ف. رەشەتنيەۆ اتىنداعى اقپاراتتىق جەرسەرىك جۇيەسى» ا ق- مەن بىرلەسە سەرۆيستەردى قالپىنا كەلتىرۋ جۇمىستارىن جالعاستىرىپ جاتىر، دەپ حابارلايدى قازاقپارات.

تاراتىلعان مالىمەتكە قاراعاندا، بايلانىس جانە تەلەارنا حابارىن تاراتۋ وپەراتورلارىنا قىزمەت كورسەتۋ سەرۆيسىن قالپىنا كەلتىرۋ 16-قىركۇيەكتە شامامەن ساعات 12:00 گە جوسپارلانعان.

«KazSat-3» عارىش اپپاراتىنداعى بۇل جاعدايدىڭ سەبەبىن انىقتاۋ بويىنشا جۇمىس جالعاسىپ جاتىر. تەكسەرىس ناتيجەسى بويىنشا اپپاراتتى قۇراستىرۋشى كاسىپورىن قاجەت بولعان جاعدايدا سپۋتنيكتىڭ باعدارلامالىق جۇيەسىن جەتىلدىرۋ باعىتىندا ءتيىستى ۇسىنىستاردى ازىرلەيدى»، - دەلىنگەن حابارلامادا.

بۇدان بۇرىن حابارلانعانداي، «قازتەلەراديو» ا ق قازاقستاندىق KazSat-3 سپۋتنيگىندەگى توتەنشە جاعدايعا بايلانىستى OtauTV پاكەتتەرىندەگى كەيبىر قازاقستاندىق جانە شەتەلدىك تەلەارنالار جۇمىس ىستەمەي تۇرعانىن ءمالىم ەتتى.

سونىمەن قاتار، سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى بۇل جاعدايعا قاتىستى تۇسىنىك بەردى.