دەۆيس كۋبوگى: قازاقستان - بولگاريا ماتچىنىڭ جەرەبەسى تارتىلدى
قازاقستان تەننيس فەدەراتسياسىنان ءمالىم ەتكەنىندەي، باسەكەنىڭ ءبىرىنشى كۇنى استانا ۋاقىتىمەن ساعات 15.00 دە كورتقا ەلىمىزدىڭ ەكىنشى، الەمنىڭ 123-راكەتكاسى تيموفەي سكاتوۆ العاشقى بولىپ كورتقا شىعادى.
ت. سكاتوۆ رەيتينگتە 179-ورىندا تۇرعان ديميتار كۋزمانوۆپەن سىنعا تۇسەدى.
جيىرما مينۋتتان كەيىن قازاقستاننىڭ ءبىرىنشى، الەمنىڭ 29-راكەتكاسى الەكساندر بۋبليككە كەزەك كەلەدى. ول رەيتينگتە 569-ساتىداعى ياناكي ميليەۆتىڭ شاماسىن بايقاپ كورەدى.
جەكسەنبى كۇنى، 17- قىركۇيەككە ءۇش كەزدەسۋ جوسپارلانعان. الدىمەن الەكساندر نەدوۆەسوۆ پەن اندرەي گولۋبيەۆ الەكساندر - دونسكي - الەكساندر لازاروۆپەن شەبەرلىك بايقاسادى. سودان كەيىن ا. بۋبليك د. كۋزمانوۆپەن، ت. سكاتوۆ يا. ميليەۆپەن كەزدەسەدى.
جەڭىمپاز كوماندا الداعى جىلدىڭ اقپانىندا دەۆيس كۋبوگىنىڭ فينالدىق كەزەڭىنە شىعۋ ءۇشىن تاعى ءبىر قارسىلاسىمەن ماتچ وتكىزەدى.
ەسكە سالا كەتەيىك، بۇدان بۇرىن قازاقستان قۇراماسىنىڭ كاپيتانى يۋريي شۋكيننىڭ دەۆيس كۋبوگىندە كۇتپەگەن ناتيجە بولۋى مۇمكىن ەكەندىگىن ايتقانىن جازعان بولاتىنبىز.
سونداي-اق يۋليا پۋتينتسيەۆا جۇپتىق سىندا وساكا تۋرنيرىنىڭ فينالىنا شىقتى.
