ءۇندىستانداعى كولىك قوزعالىسى جايلى قىزىقتى دەرەكتەر تۋرالى بىلەسىز بە؟
بۇل ەلدە اركىم ءوز ەرەجەسىمەن جۇرەدى: مۇندا بەكىتىلگەن جول قوزعالىسى ەرەجەلەرىن ساقتامايدى، كولىكتى ءوزارا كەلىسىم ارقىلى جۇرگىزۋگە تىرىسادى. ەڭ قىزىعى، تۋريستىك ايماقتاردا بۇل اسا قيىندىق تۋدىرمايدى.
ەشقانداي ەرەجە جوق
ءۇندىستاندا جۇرگىزۋشىلەر دە، جاياۋ جۇرگىنشىلەر دە جول ەرەجەسىن ساقتامايدى، سوندىقتان جەرگىلىكتى جۇرگىزۋشىلەردىڭ جول بەلگىلەرىن نەمەسە تۇتاس جولاقتاردى ەلەمەي، قارسى كەلە جاتسا، قازاقستاندا ورىنسىز سانالاتىن قيمىل-قوزعالىسىن كورسەڭىز، تاڭ قالماڭىز.
«بيپ-بيپ» (دىبىستىق سيگنال)
ەگەر قازاقستاندا جۇرگىزۋشىلەر سيگنالدى قاجەت بولعان جاعدايدا عانا قولدانسا، ءۇندىستاندا وڭدى-سولدى باسا بەرەدى. جۇرگىزۋشى مۇنى: «مەن كولىك جۇرگىزىپ كەلەم، اباي بول» دەپ ەسكەرتۋ ءۇشىن عانا باسۋى مۇمكىن. باستاپقىدا بۇل جۇيكەڭىزگە ابدەن ءتيۋى مۇمكىن، اسىرەسە ءسىز جولدا ۆەلوسيپەد نەمەسە موتوتسيكلمەن جۇرسەڭىز، ءۇندى كولىك جۇرگىزۋشىسى سىزگە سيگنال جىبەرىپ، باسىپ وزسا دا، ۇزاق ۋاقىت سيگنالىن توقتاتپايدى. ۋاقىت وتە بۇعان دا ۇيرەنۋگە تۋرا كەلەدى.
باعدارشامدار مەن بەلگىلەر از
ارينە، ۇلكەن قالالاردا ينفراقۇرىلىمدىق نىسانداردىڭ الدىندا جول بەلگىلەرىن، باعدارشامداردى جانە قوزعالىستى باقىلاۋدا ۇستايتىن جۇرگىزۋشىلەردى كەزدەستىرۋگە بولادى. ءبىراق تۋريستىك ايماقتار مەن ەلدىمەكەندەردە بۇل جوقتىڭ قاسى. سوندا دا كولىك قوزعالىسى كوپ كوشەلەردە جۇرگىزۋشىلەر ءبىرىن-ءبىرى باسىپ وزىپ، وڭدى-سولدى جۇرسە دە، ەشبىر جول اپاتى تىركەلمەيدى.
اگرەسسيا جوق
جالپى، ءۇندىستان جولدارىندا اگرەسسيانىڭ جوقتىعى تاڭ قالدىرادى. جول قوزعالىسى ەرەجەلەرىن ەشكىم ساقتاماسا، قاقتىعىسسىز، اشۋسىز مۇمكىن ەمەس سياقتى. دەگەنمەن، ولاي ەشقاشان بولمايدى. بۇل حالىقتىڭ مەنتاليتەتى مەن كۇننىڭ جىلۋلىعى ما دەرسىز.
قاۋىپسىزدىك
جالپى العاندا، ءۇندى جول قوزعالىسىنان الاتىن اسەرىڭىز - حاوس، سونىمەن بىرگە قاۋىپسىزدىك سەزىمى. ءتىپتى قوزعالىس كوپ جولدا ۆەلوسيپەدپەن كەلە جاتقاندا نەمەسە اينالما جولدى كەسىپ وتكەندە دە، سىزگە سيگنال بەرۋى مۇمكىن، ءبىراق وتكىزىپ جىبەرەدى. كەيدە ءتىپتى قول بۇلعاپ، كۇلىمدەپ، اق جول تىلەپ جاتادى، بۇل - دالەلدەنگەن!
Aviata.kz
