راحمەتى جوق: اۆستراليالىق ماگنات قىزمەتكەرلەردى ەكى ەسە قىسقارتۋدى ۇسىندى
«ءبىز ەكونوميكانىڭ اۋىرتپالىعىن كورۋىمىز كەرەك»، - دەيدى جىلجىمايتىن مۇلىك بيزنەسىنەن مول تابىس تاپقان تيم گارنەر.
ول بۇعان دەيىن جاستاردىڭ اۆوكادولى توستەر مەن كوفەگە تىم كوپ اقشا جۇمسايتىندىقتان باسپاناسىز جۇرگەنىن سىناپ جازعان پىكىرى ءۇشىن جۇرتشىلىقتىڭ نارازىلىعىن تۋعىزعان.
وسى اپتادا وتكەن جىلجىمايتىن مۇلىك سامميتىندە سويلەگەن سوزىندە 41 جاستاعى گارنەر كوروناۆيرۋس پاندەمياسى قىزمەتكەرلەردىڭ كوزقاراسى مەن جۇمىس ەتيكاسىن ايتارلىقتاي وزگەرتكەنىن ايتتى.
ول «ەڭبەك نارىعىنداعى مەنمەندىكتى» ازايتۋ ءۇشىن اۆسترالياداعى قازىرگى جۇمىسسىزدىق دەڭگەيىن %40-50 ارتتىرۋدى ۇسىندى.
بۇل ءوز كەزەگىندە 200 مىڭنان استام ادامنىڭ جۇمىسسىز قالۋىنا اكەلەدى.
گارنەردىڭ پىكىرى كوپ كومپانيالاردىڭ قىزمەتكەرلەرىمەن اراداعى قاشىقتان جۇمىس ىستەۋ تۋرالى كيكىلجىڭگە بايلانىستى ايتىلدى.
