ەرتەڭ استانادا جالپى قالالىق سەنبىلىك وتەدى

«جاسىل استانا» ەكولوگيالىق ايلىعى اياسىندا 16-قىركۇيەكتە ەلوردادا جالپىقالالىق سەنبىلىك وتەدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

استانادا 16-قىركۇيەكتەن 14-قازانعا دەيىن «جاسىل استانا» ءداستۇرلى ەكولوگيالىق ايلىعى وتەدى. وسى جۇمىس اياسىندا ەلوردادا قالالىق قىزمەتتەردى، ەڭبەك ۇجىمدارىن جانە بەلسەندى قالا تۇرعىندارىن تارتا وتىرىپ، بىرنەشە كوممۋنالدىق جانە جالپىقالالىق سەنبىلىك وتكىزىلەدى.

وسى سەنبىدە، ياعني 16-قىركۇيەكتە ەلوردانى بۇدان دا تازا ەتۋ ءۇشىن اۋقىمدى جالپىقالالىق سەنبىلىككە قاتىسۋعا شاقىرىلادى.

اعاشتاردى جيناۋ جانە وتىرعىزۋ ۋچاسكەلەرىن ناقتىلاۋ ءۇشىن قالا تۇرعىندارى اۋدان اكىمدەرىنىڭ اپپاراتتارىنا كەلەسى تەلەفون نومىرلەرى بويىنشا جۇگىنە الادى:

الماتى اۋدانى: 87470326507؛

بايقوڭىر اۋدانى: 87015532627؛

سارىارقا اۋدانى: 87012725071؛

ەسىل اۋدانى: 87789001861؛

نۇرا اۋدانى: 87017199139.