19:16, 14 - قىركۇيەك 2023 | GMT +6
ءبىر جىل الماتىدا قاماۋدا وتىرعان قاراقالپاق بەلسەندىلەرى بوساپ شىقتى
قازاقستاندا قاماۋدا بولعان وزبەكستان ازاماتتارى قوشقارباي تورەمۇراتوۆ پەن جانگەلدى جاقسىمبەتوۆ بوساتىلدى، دەپ حابارلايدى قازاقپارات.
بۇل جايىندا قازاقستاندا تۇراتىن قاراقالپاق دياسپوراسىنىڭ مۇشەسى اقىلبەك مۇراتباي الەۋمەتتىك جەلىدە ءمالىم ەتتى.
«الماتىداعى تەرگەۋ يزولياتورىنان ەكى قاراقالپاق ازاماتى بوساتىلدى. ولار ءبىر جىل بۇرىن قاراقالپاقستانداعى نارازىلىق باسىلعاننان كەيىن وزبەكستاننىڭ تالابى بويىنشا قاماۋعا الىنعان. قازاقستان ولارعا باسپانا بەرۋدەن باس تارتتى، ءبىراق ءۇشىنشى ەلگە كەتۋگە رۇقسات بەرىلەدى دەپ ۇمىتتەنەمىز»، - دەپ جازدى بەلسەندى X (بۇرىنعى Twitter) جەلىسىندە.
