ارىستانبەك مۇحامەدي ۇلىنىڭ ءبىر سىبايلاسى بوستاندىققا شىقتى

ۇلتتىق مۋزەيدىڭ بۇرىنعى ديرەكتورى ارىستانبەك مۇحامەدي ۇلىنىڭ ءىسى بويىنشا سىبايلاستاردىڭ ءبىرى ايىم ءسادۋاقاسوۆا سوت شەشىمىمەن بوساتىلدى، دەپ حابارلايدى قازاقپارات ءتىلشىسى.

«استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ 2023-جىلعى 20- ماۋسىمداعى ايىم ءسادۋاقاسوۆاعا قاتىستى ۇكىمى وزگەرتىلسىن. ق ر قىلمىستىق كودەكستىڭ 74-بابىنىڭ 1-بولىمىنە سايكەس، قىلمىستىق كودەكستىڭ 2-تارماعىنىڭ 5-بابىنىڭ 28-بابى جانە 189-بابى 4-بولىگى بويىنشا تاعايىندالعان 7 جىل باس بوستاندىعىنان ايىرۋ جازاسىن وتەۋ 5 جىلعا كەيىنگە قالدىرىلسىن»، - دەدى سۋديا مۇرات سولتىبايەۆ.

سۋديانىڭ ايتۋىنشا، ايىم ءسادۋاقاسوۆا 5 جىلعا بوساتىلىپ، سودان كەيىن سوت تاعايىنداعان جازانى وتەيدى.

«ا. ءسادۋاقاسوۆاعا قاتىستى بۇلتارتپاۋ شاراسى جويىلسىن، قاماۋدان دەرەۋ بوساتىلسىن. ايىم ءسادۋاقاسوۆانى ۇكىم زاڭدى كۇشىنە ەنگەننەن كەيىن 1 كۇن مەرزىمدە تۇرعىلىقتى جەرى بويىنشا پروباتسيا قىزمەتىنە ەسەپكە قويۋ ءۇشىن كەلۋگە مىندەتتەسىن»، - دەيدى ول.

ەسكە سالايىق، بيىل 20- ماۋسىمدا ارىستانبەك مۇحامەدي ۇلىنىڭ سىبايلاستارى ايىم ءسادۋاقاسوۆا، الماز نۇرازحان جانە ازامات كوشەنوۆ سوت شەشىمىمەن 7 جىلعا سوتتالعان ەدى.

ايتا كەتسەك، جاڭا عانا اپەللياتسيا ارىستانبەك مۇحامەدي ۇلىنا شىققان ۇكىمدى وزگەرىسسىز قالدىرعانى بەلگىلى بولدى.