اۋدان جانە قالا اكىمى لاۋازىمىنا كىمدەر كانديدات بولا الادى
«اۋداننىڭ، وبلىستىق ماڭىزى بار قالانىڭ اكىمى بولىپ سايلانۋى ءۇشىن ق ر ازاماتى قازاقستان كونستيتۋتسياسىندا، «ق ر- داعى سايلاۋ تۋرالى» كونستيتۋتسيالىق زاڭىندا، ق ر- داعى جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى زاڭدا جانە ق ر مەملەكەتتىك قىزمەت سالاسىنداعى زاڭناماسىندا بەلگىلەنگەن تالاپتارعا سايكەس كەلۋى ءتيىس. كونستيتۋتسيالىق زاڭنىڭ 113-2-بابىنا سايكەس، ق ر- نىڭ مەملەكەتتىك قىزمەت سالاسىنداعى زاڭناماسىنىڭ تالاپتارىنا سايكەستىگىن تەكسەرۋ ءۇشىن اكىمگە كانديدات ءتيىستى اۋماقتىق سايلاۋ كوميسسياسىنا تىزبەسى ق ر مەملەكەتتىك قىزمەت ىستەرى اگەنتتىگى ءتوراعاسىنىڭ بۇيرىعىمەن جانە ورتالىق سايلاۋ كوميسسياسىنىڭ قاۋلىسىمەن بەلگىلەنگەن قۇجاتتاردى ۇسىنادى. ولار: ق ر ازاماتىنىڭ جەكە باسىن كۋالاندىراتىن قۇجات كوشىرمەسى، اۋداننىڭ، وبلىستىق ماڭىزى بار قالانىڭ اكىمى كانديداتىنىڭ قىزمەت ءتىزىمى، ەڭبەك قىزمەتىن راستايتىن قۇجاتتاردىڭ كوشىرمەسى، ءبىلىمى تۋرالى قۇجاتتار مەن ولاردىڭ قوسىمشالارىنىڭ كوشىرمەلەرى. سونىمەن قاتار زاڭناماعا سايكەس، اكىمدى ءتيستى اكىمشىلىك اۋماقتىق بىرلىكتىڭ حالقى جالپىعا بىردەي تەڭ، توتە سايلاۋ قۇقىعى نەگىزىندە جاسىرىن داۋىس بەرۋ ارقىلى 25 جاسقا تولعان ق ر ازاماتتارىنىڭ قاتارىنان لاۋازىمعا سايلايدى»، - دەدى شاۆكات وتەمىسوۆ ورتالىق سايلاۋ كوميسسياسىنىڭ وتىرىسىندا.
ونىڭ اتاپ وتۋىنشە، كونستيتۋتسياعا سايكەس، سوت ءىس-ارەكەتكە قابىلەتسىز دەپ تانىعان، سونداي-اق سوت ۇكىمى بويىنشا باس بوستاندىعىنان ايىرۋ ورىندارىندا وتىرعان ازاماتتاردىڭ سايلانۋعا قاتىسۋ قۇقىعى جوق.
«بۇل كونستيتۋتسيانىڭ 33-بابى 3-تارماعىندا كوزدەلگەن. «سايلاۋ تۋرالى» كونستيتۋتسيالىق زاڭعا سايكەس، سوتتالعانى زاڭدى بەلگىلەنگەن تارتىپپەن وتەلمەگەن نەمەسە الىنىپ تاستالماعان ادام، سونىمەن قاتار سىبايلاس جەمقورلىق قىلمىس پەن سىبايلاس جەمقورلىق قۇقىق بۇزۋشىلىق جاساۋداعى كىناسى زاڭدا بەلگىلەنگەن تارتىپپەن تانىلعان ادام كانديدات بولا المايدى. كانديدات مەملەكەتتىك قىزمەت تۋرالى زاڭنىڭ تالاپتارىنا ساي كەلۋى ءتيىس. ويتكەنى، اكىمنىڭ لاۋازىمى مەملەكەتتىك قىزمەتشىلەر ساناتىنا جاتادى»، - دەدى كوميسسيا مۇشەسى.
