فينليانديا گيمناستيكادان قازاقستاندا وتەتىن الەم چەمپيوناتىنا قاتىسۋدان باس تارتتى
حالىقارالىق ەستەتيكالىق گيمناستيكا فەدەراتسياسى (IFAGG) ۇيىمداستىرۋشى ەلگە چەمپيوناتقا كىم قاتىسا الاتىنىن شەشۋگە رۇقسات بەردى. ال قازاقستان رەسەيلىكتەر مەن بەلارۋستەردىڭ قاتىسۋىنا قارسى سانكسيا سالعان جوق.
«وكىنىشكە قاراي، IFAGG كەڭەسى مەن مۇشەلەرىنىڭ اراسىندا ءبىزدىڭ ۇستانىمىمىز جانە رەسەيلىكتەر مەن بەلورۋستار باسەكەگە تۇسپەۋى كەرەك دەگەن كوزقاراسىمىز ازشىلىققا ۇشىرادى. ءبىز حالىقارالىق قاۋىمداستىقتاعى شەشىم قابىلداۋشىلارعا بەلسەندى تۇردە اسەر ەتتىك. بۇل جاعدايدا ءبىز ەشتەڭە ىستەي المادىق، تەك تۋرنيرگە قاتىسۋدان باس تارتتىق. بۇل - جىل بويى جاتتىعىپ، الەم چەمپيوناتىنا دايىندالعان سپورتشىلارىمىز ءۇشىن وتە جاعىمسىز جاعداي»، - دەدى فينليانديا گيمناستيكا قاۋىمداستىعىنىڭ پرەزيدەنتى كايسا ۆيككۋلا.
الماتىدا وتەتىن جارىسقا فينليانديامەن قوسا، ەستونيا سپورتشىلارى دا قاتىسپايدى.
