سوت ەكى ادامدى پىشاقتاپ ولتىرگەن اقمولالىقتى ءومىر بويىنا باس بوستاندىعىنان ايىردى
ۆەدومستۆونىڭ مالىمەتىنشە، اقمولا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا بەلگىلى بولعانداي، ءۇش ادام (ەكى ەركەك، ءبىر ايەل) قوسىلىپ، الكوگولدى ىشىمدىك ىشكەن. كەيىن ارالارىندا جانجال تۋىنداپ، ەر ادامنىڭ ءبىرى ەكىنشىسىنە بىرنەشە جەردەن پىشاق سۇعىپ الادى. جاپا شەككەن ادام سول جەردە جان ءتاسىلىم ەتەدى. ارتىنشا، كىنالى قىلمىسىن جاسىرۋ ءۇشىن بىرگە بولعان ايەلدى دە پىشاقتاپ ولتىرەدى.
ءسويتىپ، ەر ادام جاساعان قىلمىسىن جاسىرۋ ماقساتىندا، بىردەن ەكى ادامدى ءولتىرىپ، اسا اۋىر قىلمىس جاسايدى (قىلمىستىق كودەكسىنىڭ 99-بابى 2-بولىگىنىڭ 10- جانە 13- بولىكتەرى).
سوتتالعان ادامنىڭ كىناسى جابىرلەنۋشىلەر مەن كۋاگەرلەردىڭ ايعاقتارى، بولعان وقيعا ورنىن تەكسەرۋ حاتتامالارى، جۇرگىزىلگەن ساراپتاما قورىتىندىلارى، سوتتالعاننىڭ كىناسىن تولىق مويىنداپ كەلۋى، كورسەتكەن ايعاقتارىنىڭ ناقتىلانۋىن تەكسەرۋ حاتتاماسىمەن جانە ءىس بويىنشا باسقا دا دالەلدەمەلەرمەن راستالادى. جازانى تاعايىنداۋ كەزىندە سوت ەر ادامنىڭ بۇرىن 2008-جىلى كىسى ولتىرگەنى ءۇشىن سوتتالىپ، 9 جىلعا باس بوستاندىعىنان ايىرۋ جازاسىن تولىق وتەگەنىن ەسكەردى. سونىمەن بىرگە، سوت ونىڭ ارەكەتتەرىندە قىلمىستاردىڭ قاۋىپتى قايتالانۋىن انىقتادى.
«سوت ۇكىمىمەن ايىپتالۋشى ەكى ادامدى ولتىرگەنى ءۇشىن ءومىر بويىنا باس بوستاندىعىنان ايىرىلدى. جابىرلەنۋشىلەردىڭ تۋىستارىنا مورالدىق زيان مەن ماتەريالدىق زالالدى وتەۋ تۋرالى تالاپ ارىزدار قاناعاتتاندىرىلدى. ۇكىم زاڭدى كۇشىنە ەنگەن جوق»، - دەدى ۆەدومستۆودان.
ايتا كەتسەك، بۇدان بۇرىن اناسىن اياۋسىز تەپكىلەگەن اقمولالىق 4 جىلعا سوتتالعانىن جازعان ەدىك.
