ولجاس وردابايەۆ: ءوزىن- ءوزى جۇمىسپەن قامتىعاندار كوبەيسە، كادر تاپشىلىعى تۋىندايدى
«ءوزىن- ءوزى جۇمىسپەن قامتىعاندار اراسىندا جوعارى ءبىلىمى بار ادامداردىڭ سانى ارتىپ كەلەدى، ياعني جالدامالى جۇمىسشىلار نارىعىنداعىلار كاسىپكەرلىككە بەت بۇرىپ جاتىر»، - دەدى ولجاس وردابايەۆ.
ەڭبەك مينيسترلىگىنىڭ دەرەكتەرى بويىنشا، جالدامالى جۇمىسكەرلەر نارىعىندا جاستاردىڭ ۇلەسى ازايىپ كەلەدى.
«ءبىز بايقاپ وتىرعانداي، جىل سايىن فريلانس باعىتىنا كەتىپ جاتقان جاستار كوبەيدى. دەگەنمەن، فريلانس ءارقاشان ءتيىمدى جانە ناتيجەلى بولا بەرمەيدى. سوندىقتان، ەڭبەك ادامىنىڭ بەدەلىن ارتتىرۋ كەرەك. قازىر جالدامالى جۇمىسكەرلەردىڭ ورتاشا جاسى - 30-45 ارالىعى. ال ءوزىن- ءوزى جۇمىسپەن قامتىعاندار اراسىندا 16-30 جاستاعىلار كوپ. وسىلاي جالعاسا بەرسە، تۇراقتى دەموگرافيالىق جاعدايعا قاراماستان، بىزدە كادر تاپشىلىعى بولۋى ىقتيمال»، - دەپ دەرەكتەر كەلتىردى ولجاس وردابايەۆ.
سونىمەن بىرگە، ۆيتسە- مينيستر جۇمىس كۇشىنىڭ ساپاسىن ارتتىرۋ ماسەلەسىن شەشۋ ماڭىزدى ەكەنىن اتاپ ءوتتى.
«بۇرىن ەكونوميكالىق ىنتىماقتاستىق جانە دامۋ ۇيىمىنىڭ ساراپشىلارى ءبىلىم مەن داعدىلار 10 جىل وزەكتىلىگىن جويمايدى دەگەن پايىم ايتقان ەدى. ال قازىر قانداي دا ءبىر سالا بويىنشا ءبىلىمدى 2-5 جىلدا تولىقتىرىپ وتىرۋ قاجەت. الايدا، بىزدە جالدامالى جۇمىسشىلاردىڭ شامامەن %7 ى عانا جۇمىس بەرۋشىلەر ەسەبىنەن بىلىكتىلىگىن ارتتىرادى. سوندىقتان، جۇمىس كۇشىنىڭ ساپاسىنا قاتىستى سۇراقتار وزەكتى بولىپ قالىپ وتىر»، - دەدى ولجاس وردابايەۆ.
بۇعان قوسا ول، جۇمىس ورىندارىن قۇرۋ ۇدەرىسى جالپى ىشكى ءونىمنىڭ ءوسۋ قارقىنىنان قالىس قالىپ جاتقانىن ايتتى.
