تايلاند قازاقستاندىقتار ءۇشىن ۋاقىتشا ۆيزاسىز رەجيم ەنگىزەدى

قازاقستان ازاماتتارى تايلاندتا 30 كۇنگە دەيىن ۆيزاسىز بولا الادى. ۇزاق ساپارلار ءۇشىن ءتيىستى ۆيزانى رەسىمدەۋ قاجەت، دەپ حابارلايدى قازاقپارات ق ر سىرتقى ىستەر مينيسترلىگىنە سىلتەمە جاساپ.

ەكىجاقتى ىنتىماقتاستىقتى نىعايتۋ جانە ءتۋريزمدى دامىتۋ ماقساتىندا تايلاند كورولدىگىنىڭ ۇكىمەتى 2023 -جىلعى 25 - قىركۇيەكتەن باستاپ 2024 -جىلعى 29- اقپانعا دەيىن قازاقستان رەسپۋبليكاسىنىڭ ازاماتتارى ءۇشىن ۋاقىتشا ۆيزاسىز رەجيمدى ەنگىزەدى.

جارامدى جول ءجۇرۋ قۇجاتى – ق ر ازاماتىنىڭ پاسپورتى، ونىڭ قولدانىلۋ مەرزىمى شەكارانى ءوتۋ كەزىندە 6 ايدان اسۋى ءتيىس.