چەلاح جىل سايىن سوت ۇكىمىنە قاتىستى شاعىم تۇسىرەدى - باس اسكەري پروكۋرور
«2012 -جىلى چەلاحتىڭ ءىسى بويىنشا سوت ۇكىمى شىقتى. سودان كەيىن تالاي رەت شاعىمدانعان بولاتىن. بۇل شاعىمدار باس پروكۋراتۋرا مەن جوعارعى سوتتا بەلگىلەنگەن ءتارتىپ بويىنشا قارالدى. ءبىراق ۆ. چەلاحتىڭ ءىس بويىنشا ايتقان دەرەكتەرى دالەلدەنگەن جوق. مەنىڭ ويىمشا، سوندىقتان سوتتىڭ ۇكىمى زاڭدى»، - دەدى د. سەكەنوۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، ۆ. چەلاحتان جىل سايىن ارىزدار تۇسەدى. باس اسكەري پروكۋراتۋرا ولاردى جان- جاقتى قاراستىرىپ كەلەدى.
«ول ءوز شاعىمىندا تىڭ مالىمەتتەر كورسەتەتىن شىعار دەپ ونىڭ ايتقاندارىن تىڭعىلىقتى زەرتتەپ كەلەمىز. ءبىراق، ول بۇرىنعى مالىمەتتەردى جازىپ جاتىر»، - دەدى باس اسكەري پروكۋرور.
ەسكە سالا كەتسەك، 2012 -جىلى مامىردىڭ 27 سىنەن 28 ىنە قاراعان ءتۇنى الماتى وبلىسىنىڭ «ارقانكەرگەن» شەكارا بەكەتىندە 14 شەكاراشى جانە ءبىر قورىقشى قازا تاپتى. امان قالعان ون بەسىنشى سارباز ۆلاديسلاۆ چەلاح شەكارا بەكەتىنەن 20 شاقىرىم جەردە ورنالاسقان قىستاۋدان تابىلدى. تەرگەۋ جۇمىسى بارىسىندا ۆ. چەلاح باستى كۇدىكتى رەتىندە قاراستىرىلىپ، قاماۋعا الىندى. سوڭىندا ۆ. چەلاح ءومىر بويىنا باس بوستاندىعىنان ايرىلدى جانە قوستاناي وبلىسىنداعى «قارا بۇركىت» تۇرمەسىنە جىبەرىلدى.
اۆتور:
رۋسلان عابباسوۆ
