الماتىدا «ديكي ارمان» مەن قايرات قۇدايبەرگەنگە قاتىستى سوت وتىرىسى باستالدى
سوتتا قايرات قۇدايبەرگەن مەن ارمان جۇماگەلديەۆتەن بولەك تاعى 43 ادامنىڭ ءىسى قارالادى.
ساعات 10:00-گە بەلگىلەنگەن سوت وتىرىسى 11:00-دە باستالدى. سوت زالىنا كىرگىسى كەلەتىندەر كوپ بولدى. الايدا ورىن از بولعاندىقتان ايىپتالۋشىلاردىڭ تۋىستارى مەن قوعامدىق قورعاۋشىلار عانا كىردى.
بۇقارالىق اقپارات قۇرالدارىنىڭ وكىلدەرى سوت پروتسەسىن كەلەسى بولمەدەن باقىلاپ وتىر.
سوت زالىندا سوتتالۋشىلاردىڭ از عانا بولىگى وتىر، ولاردىڭ اراسىندا قايرات قۇدايبەرگەن مەن ارمان جۇماگەلديەۆ بار. باسقا دا ايىپتالۋشىلار قاتىستى ونلاين فورماتتا قاتىسىپ جاتىر.
سوت بارىسىندا قاتىسۋشىلار دىبىستىڭ ناشارلىعىنا شاعىمداندى. سول سەبەپتى تەحنيكالىق اقاۋلاردى شەشۋ ءۇشىن سوت وتىرىسى جارتى ساعاتقا توقتاتىلدى.
بۇعان دەيىن الماتى قالالىق سوتى قىلمىستىق ءىس بويىنشا سوت پروتسەسىنە ادۆوكاتتاردىڭ كىرۋىنە كەدەرگى كەلتىرىلىپ جاتقانى تۋرالى اقپاراتتى جوققا شىعارعان بولاتىن.
ەسكە سالايىق، بىلتىر 7 -قاڭتاردا الماتىدا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ بەدەلدىسى ارمان جۇماگەلديەۆتى ۇستاعان بولاتىن.
كەيىن ق ر باس پروكۋراتۋراسى «ديكي ارمانىڭ» ۇلتتىق قاۋىپسىزدىك قىزمەتىنىڭ تەرگەۋ يزولياتورىندا وتىرعانىن جەتكىزدى.
ال، قايرات قۇدايبەرگەننىڭ ۇستالعانى تۋرالى اقپارات 2022 -جىلدىڭ 22 -ساۋىردە پايدا بولعان ەدى.
قايرات قۇدايبەرگەن ديكي ارمانمەن بىرگە ادام جيناۋدى ۇيىمداستىرعان.
