ەرجان بايتىلەس پرەزيدەنت باسپا ءسوز حاتشىسىنىڭ ورىنباسارى بولىپ تاعايىندالدى

ق ر پرەزيدەنتى باسپا ءسوز حاتشىسىنىڭ ورىنباسارى لاۋازىمىنا ەرجان بايتىلەس تاعايىندالدى، دەپ حابارلايدى قازاقپارات ءتىلشىسى.

«بەلگىلى جۋرناليست ەرجان بايتىلەس بۇگىننەن باستاپ قازاقستان رەسپۋبليكاسى پرەزيدەنتى باسپا ءسوز حاتشىسىنىڭ ورىنباسارى قىزمەتىنە كىرىستى. ول بۇعان دەيىن ق ر مەملەكەتتىك كەڭەسشىسى حاتشىلىعى مەڭگەرۋشىسىنىڭ ورىنباسارى بولىپ ەڭبەك ەتكەن بولاتىن»، - دەپ جازدى پرەزيدەنت كەڭەسشىسى - باسپا ءسوز حاتشىسى بەرىك ءۋالي Facebook پاراقشاسىندا.

ەرجان بايتىلەس «اق جول قازاقستان»، «الماتى اقشامى»، «التى الاش»، «انا ءتىلى»، «ەگەمەن قازاقستان» سەكىلدى ەلىمىزدىڭ ىرگەلى باسىلىمدارىندا تىلشىلىكتەن باستاپ جۋرناليستيكانىڭ بارلىق ساتىسىنان وتكەن تاجىريبەلى جۋرناليست.

قىزىلوردا قالالىق ءماسليحاتىنىڭ دەپۋتاتى، Nur Otan پارتياسى قىزىلوردا وبلىستىق فيليالى ءتوراعاسىنىڭ ورىنباسارى رەتىندە قوعامدىق جۇمىسقا دا بەلسەندى ارالاسقان. پرەزيدەنت باسپا ءسوز قىزمەتىنىڭ سەكتور مەڭگەرۋشىسى قىزمەتىن اتقارعان. جاڭا قىزمەتكە تاعايىندالعانعا دەيىن ق ر مەملەكەتتىك كەڭەسشىسىنىڭ حاتشىلىعى مەڭگەرۋشىسىنىڭ ورىنباسارى بولعان.