باي بولا تۇرا كوشە سىپىراتىن قىتاي تۇرعىنى
ول 1998- جىلدان باستاپ کوممۋنالدى قىزمەت کورسەتۋ ورنىندا کوشە سىپىرۋشى بولىپ جۇمىس ىستەيدى. ونىڭ جۇمىسى تاڭعى ساعات 3-4 تەردە باستالادى. ۇيىنە کەش قايتادى. 3000 مەترلىك جولدى سىپىرۋ قايدان وڭاي بولا قويسىن؟
ولار کۇيەۋى ەکەۋى ەرىنبەي ەڭبەک ەتىپ، ءۇش ءۇي سالىپ الدى. 2008- جىلى يۇي يۋجەن تۇراتىن دۋنحۋ سەلوسىندا قالا قۇرىلىسى باستالعان ەدى. جەرلەرىن الىپ، باسقا جاققا کوشىرگەنى ءۇشىن يۇي يۋجەنگە وتەماقى رەتىندە، ءارقايسىسى 1 ميلليون يۋانعا باعالانعان 21 ءۇي بەرىلەدى. سونشاما اقشاسى بولا تۇرا، بۇلاردىڭ ءالى کوشە سىپىرىپ جۇرگەنىن کوپشىلىک تۇسىنە بەرمەيدى. «اقشا جوق کەزدە قالاي تۇردىم، اقشا بار کەزدە دە سولاي تۇرامىن. کەدەي بولعانىمىز راس، ەندى ونى ۇمىتپاۋىم کەرەك» دەيدى ول.
يۇي يۋجەن ءوزىنىڭ قىزى مەن ۇلىنا ۇيگە دە، اقشاعا دا کوز تىکپەۋدى تالاپ ەتىپ وتىر. 33 جاستاعى بالاسى کەيدە جۇمىس تابا الماي قالادى ەکەن. ۇلى ءبىر تۇرمەدە جۇرگىزۋشى بولىپ جۇمىسقا ورنالاسقان. ال 25 جاسار قىزى ءبىر کينوتەاتردا ۋاقىتشا جۇمىس ىستەۋدە. وزىنىڭ العاشقى بيزنەسىن اشۋ ءۇشىن ول اناسىنان اقشا سۇراعان. ءبىراق يۇي يۋجەن قىزىنا ءبىر تيىن دا بەرمەيتىنىن کەسىپ ايتتى. «انامنىڭ ۇستانىمى بەلگىلى. ءبىر تيىن بولسا دا ءوزىمنىڭ تاپقانىمدى قالايدى»، - دەيدى قىزى. ال اناسى دەنساۋلىعىنىڭ ارقاسىندا ءالى دە کوشە سىپىرىپ ءجۇر.
