انۆار گيپەرماركەتىنە تۇنەپ، بىلگەنىن ىستەگەن تيكتوكەرلەر قۇرىقتالدى - ۆيدەو

قازاقستاننىڭ قالالارىنىڭ بىرىندە گيپەرماركەتكە تۇنەپ قالىپ، بىلگەندەرىن ىستەگەن توپ قۇرىقتالدى، دەپ حابارلايدى قازاقپارات.

پوليتسيا 13-قىركۇيەك كۇنى TikTok الەۋمەتتىك جەلىسىن باقىلاۋ بارىسىندا ءتورت جاس جىگىت «انۆار» گيپەرماركەتىندە ونىڭ جابىلۋىن كۇتكەن ۆيدەوكونتەنتتى انىقتادى.

«ولار ىشتە قالىپ، مىنەز-قۇلىق مادەنيەتىنە سايكەس كەلمەيتىن ارەكەتتەرگە بارعان. قۇقىق بۇزۋشىلار جەكە كۇزەت مەكەمەسىنىڭ جەدەل ارەكەت ەتۋ توبىنىڭ قىزمەتكەرلەرىمەن ۇستالىپ، كەيىن ولار ءمان-جايدى انىقتاۋ ءۇشىن پوليتسياعا تاپسىرىلدى»، - دەپ جازدى ءى ى م-نەن.

بۇزاقىلار ا ق ب ت ك-نىڭ 434-بابى بويىنشا اكىمشىلىك جاۋاپكەرشىلىككە تارتىلىپ، سوت شەشىمى شىققانعا دەيىن ۋاقىتشا ۇستاۋ يزولياتورىنا قامالدى.