08:23, 14 - قىركۇيەك 2023 | GMT +6
العاش رەت ۇشاق بورتىندا ءبۇلدىرشىننىڭ تۇساۋى كەسىلدى
العاش رەت وتاندىق اۆياتاسىمالداۋشىنىڭ بورتىندا تۇساۋ كەسۋ ءراسىمى وتكىزىلدى، دەپ حابارلايدى قازاقپارات.
بۇگىن اۆياتسيا تاريحىندا العاش رەت QAZAQ AIR اۋە كومپانياسىنىڭ بورتىندا بالا ومىرىندەگى جاڭا كەزەڭنىڭ باستالعانىن كورسەتەتىن تۇساۋ كەسەر ۇلتتىق ءراسىمى وتكىزىلدى.
اۋەلى بورتسەرىك اتالعان رەيس جولاۋشىلارىنا بۇگىن تاريحي وقيعاعا كۋا بولاتىنىن حابارلادى.
تاڭعى رەيستەگى جولاۋشىلاردى كۇتپەگەن حابارلاندىرۋ تاڭ قالدىردى.
7600 مەتر بيىكتىكتە QAZAQ AIR اۋە كومپانياسىنىڭ كاپيتانى انۋاربەك ەرنازاروۆ كىشكەنتاي جولاۋشى ايلاناعا جارقىن بولاشاق پەن باقىتتى ءومىر جولىن تىلەي وتىرىپ، تۇساۋىن كەستى.
قىسقا ءراسىم اياقتالعاننان كەيىن شاشۋ شاشىلىپ، جولاۋشىلارعا باۋىرساق تاراتىلدى.
اتالعان شارا اۆياتسيالىق قاۋىپسىزدىك ەرەجەلەرىنە سايكەس وتكىزىلدى جانە ءىس-شاراعا قاتىسقان كوماندير وسى رەيستىڭ جولاۋشىسى بولاتىن.
