قازاقى ءيت تۇقىمدارىن تانىتۋعا ۇلەس قوسقاندار پرەزيدەنت العىس حاتىمەن ماراپاتتالدى
«بۇگىن مەن مەملەكەت باسشىسى اتىنان تازى مەن توبەتتى كوبەيتۋ، ساقتاۋ جانە حالىقارالىق ارەنادا تانىتۋ تاپسىرماسىن ورىنداۋدا ەلەۋلى جەتىستىكتەرگە قول جەتكىزگەن ازاماتتاردى قۇتتىقتاۋ قۇرمەتىنە يە بولدىم. وزدەرىڭىزگە بەلگىلى، قازاقستان كينولوگتار وداعى حالىقارالىق كينولوگيا فەدەراتسياسىنىڭ (FCI) تولىققاندى مۇشەسى بولدى. حالىقارالىق فەدەراتسياعا مۇشە بولۋ ءۇشىن ءبىزدىڭ كينولوگتار ءبىراز تەر توكتى. ءوز اتىمنان سىزدەردى تازى مەن توبەتتى قازاقتىڭ بايىرعى ءيت تۇقىمى رەتىندە حالىقارالىق ارەنادا تانىتۋ جولىنداعى العاشقى جانە ماڭىزدى جەڭىسىڭىزبەن قۇتتىقتايمىن»، - دەدى پرەزيدەنت ءىس باسقارۋشىسىنىڭ ورىنباسارى سەرگەي حوروشۋن سالتاناتتى ماراپاتتاۋ شاراسىندا.
مەملەكەت باسشىسىنىڭ العىس حاتىمەن 18 ادام ماراپاتتالدى.
ونىڭ قاتارىندا قازاقستان كينولوگيا وداعىنىڭ باسشىلىعى، ەكولوگيا جانە تابيعي رەسۋرستار مينيسترلىگى مەن سىرتقى ىستەر مينيسترلىگىنىڭ وكىلدەرى جانە تاعى باسقالار بار.
«قازاقستاننىڭ حالىقارالىق كينولوگيا فەدەراتسياسىنىڭ باس اسسامبلەياسىنا قاتىسۋشى ەل رەتىندەگى ءوتىنىشىن 77 مەملەكەتتىڭ 72 ى قولدادى. كوپشىلىك داۋسىنا يە بولۋ - ەلىمىزدىڭ بەدەلى جانە سىرتقى ىستەر، ەكولوگيا مينيسترلىگىنىڭ جانە پرەزيدەنت ءىس باسقارماسىنىڭ كومەگىمەن قازاقستان كينولوگتار وداعى جۇرگىزگەن ەلەۋلى جۇمىستىڭ جەمىسى»، - دەيدى ول.
پرەزيدەنتتىڭ العىس ءماتىنى وسىنداي:
«ءسىز قازاقستان كينولوگتارى وداعىنىڭ حالىقارالىق كينولوگيالىق فەدەراتسياعا تولىق مۇشە بولۋىنا، حالقىمىز ەجەلدەن جەتى قازىنانىڭ بىرىنە بالاعان قۇماي تازى مەن تارلان توبەتتى ساقتاۋ جانە ۇلعايتۋ ىسىنە ەلەۋلى ۇلەسىڭىزدى قوسىپ كەلەسىز. جەمىستى ءارى ناتيجەلى ەڭبەگىڭىز ءۇشىن سىزگە العىسىمدى بىلدىرەمىن. وتباسىڭىزعا باق-بەرەكە جانە جۇمىسىڭىزعا تابىس تىلەيمىن».
ايتا كەتەيىك، تامىزدا جەنەۆادا حالىقارالىق كينولوگيا فەدەراتسياسى (FCI) باس اسسامبلەياسىنىڭ وتىرىسى اياسىندا ۇيىمداستىرىلعان World Dog Show-2023 يتتەر كورمەسىنە قازاقستاننان ەكى تازى قاتىساتىنى ايتىلدى.
اتالعان كورمەدە قازاقتىڭ قوس تازىسى ەڭ جوعارعى تيتۋلدارعا يە بولدى.
ەسكە سالا كەتسەك، 2022 -جىلى مەملەكەت باسشىسى قاسىم-جومارت توقايەۆ ءتيىستى ورگاندارعا ۇلتتىق ءيت تۇقىمدارى - قازاقى تازى مەن توبەتتى ساقتاۋ جانە قالپىنا كەلتىرۋ، سونداي-اق ونى ءتولتۋما قازاقى ءيت تۇقىمدارى رەتىندە حالىقارالىق دەڭگەيدە تانىتۋدى تاپسىرعان بولاتىن.
اتالعان ماسەلەنى ق ر پرەزيدەنتى ءىس باسقارماسى ءوز قاراۋىنا الىپ، جۇيەلى شەشىم قابىلداۋ ءۇشىن مەملەكەتتىك ورگاندارمەن بىرلەسكەن جۇمىسقا كىرىستى.
سونىمەن قاتار، تازى مەن توبەت عىلىمي زەرتتەلىپ، ارنايى ماماندار دايارلانادى.
ەلىمىزدە تازى مەن توبەتكە قاتىستى عىلىمي زەرتتەۋلەر جۇرگىزىلىپ، ولارمەن جۇمىس ىستەيتىن ماماندار وقىتىلادى، دەپ حابارلايدى قازاقپارات ءتىلشىسى.
«تازى مەن توبەتتى ساقتاۋعا، تانىتۋعا قاتىستى بارلىق جۇمىس ەكى باعىتتا ءجۇرىپ جاتىر. ەڭ الدىمەن ولاردى قازاقى ءيت تۇقىمى رەتىندە الەمگە تانىتۋ ماڭىزدى. ەكىنشىسى - ەل ىشىندە جۇيەلى جۇمىستى جولعا قويۋ. ق ر پرەزيدەنتى ءىس باسقارماسى اتالعان مىندەتتى ورىنداۋدى ءبىر جىلدان استام ۋاقىت بۇرىن ءوز قاراۋىنا الدى. قىسقا مەرزىم ىشىندە اۋقىمدى جۇمىس اتقارىلدى. ايتارلىقتاي ناتيجە بار. ودان بولەك، زاڭنامالىق بازا جاڭارتىلدى»، - دەيدى ق ر پرەزيدەنتى ءىس باسقارۋشىسىنىڭ ورىنباسارى سەرگەي حوروشۋن.
ونىڭ ايتۋىنشا، اتالعان جۇمىستى اتقارۋعا ق ر پرەزيدەنتى ءىس باسقارماسىنىڭ ماماندارى، سالالىق مينيسترلىك وكىلدەرى، دەپۋتاتتار مەن قوعام قايراتكەرلەرى بەلسەندى قاتىستى.
«تازى، توبەتتەردى ساقتاۋ مەن تانىتۋ بويىنشا ۋاكىلەتتى ورگان - ەكولوگيا جانە تابيعي رەسۋرستار مينيسترلىگى. مينيسترلىككە قاراستى «وحوتزووپروم» كاسىپورنىنىڭ بازاسىندا تازى جانە توبەت ۇلتتىق ورتالىعى قۇرىلدى. مۇندا عىلىمي زەرتتەۋلەر، ستاندارت ازىرلەۋ، مامانداردى وقىتۋ جانە كينولوگيالىق ۇيىمدارمەن جۇمىس جاساۋ بويىنشا ءالى دە ۇلكەن قاجىرلى جۇمىس كۇتىپ تۇر. بارشاڭىزعا وسى ماڭىزدى ميسسيادا ساتتىلىك تىلەيمىن. ءبىز حالقىمىزدىڭ جەتى قازىناسىنىڭ ءبىرىن ساقتاپ، كوبەيتە الامىز»، - دەيدى ول.
ايتا كەتەيىك، تامىزدا جەنيەۆادا حالىقارالىق كينولوگيا فەدەراتسياسى (FCI) باس اسسامبلەياسىنىڭ وتىرىسى اياسىندا ۇيىمداستىرىلعان World Dog Show-2023 يتتەر كورمەسىنە قازاقستاننان ەكى تازى قاتىساتىنى ايتىلدى.
اتالعان كورمەدە قازاقتىڭ قوس تازىسى ەڭ جوعارعى تيتۋلدارعا يە بولدى.
ەسكە سالا كەتسەك، 2022 -جىلى مەملەكەت باسشىسى قاسىم-جومارت توقايەۆ ءتيىستى ورگاندارعا ۇلتتىق يت تۇقىمدارى - قازاقى تازى مەن توبەتتى ساقتاۋ جانە قالپىنا كەلتىرۋ، سونداي-اق ونى ءتولتۋما قازاقى ءيت تۇقىمدارى رەتىندە حالىقارالىق دەڭگەيدە تانىتۋدى تاپسىرعان بولاتىن.
اتالعان ماسەلەنى ق ر پرەزيدەنتى ءىس باسقارماسى ءوز قاراۋىنا الىپ، جۇيەلى شەشىم قابىلداۋ ءۇشىن مەملەكەتتىك ورگاندارمەن بىرلەسكەن جۇمىسقا كىرىستى.
