07:52, 30 - تامىز 2023 | GMT +6
ايەل ادام قىزعانىشتان استانالىق ەكى قىزدى سوققىعا جىقتى
استانا. قازاقپارات - استانادا قىزعانىشتان توبەلەس شىققان، دەپ حابارلايدى قازاقپارات ءتىلشىسى.
27- تامىزدا بەيبىتشىلىك كوشەسى، 26 ۇيدە ايەل ادام ەكى بويجەتكەنگە شابۋىل جاساعان: ءبىرىنىڭ بەتىنەن تاسپەن ۇرعان جانە ول ەسىن جوعالتقان.
بەلگىلى بولعانداي، ەكى جاس قىز ءۇيدىڭ كىرەبەرىسىندە كورشىسىن (ەر ادام) كەزدەستىرىپ قالعان. ول قىزداردان دوسىنا حابارلاسىپ، شاقىرىپ بەرۋىن وتىنگەن. ەر ادامنىڭ دوسى كەلگەن كەزدە ونىمەن بىرگە تۇراتىن ايەل توبەلەس شىعارعان.
زارداپ شەگۋشىلەردىڭ ايتۋىنشا، ايەل تىيىم سالىنعان زات (ەسىرتكى) پايدالانعان. شابۋىلداۋشى ايەل ەكى قىزدى پوليتسياعا حابارلاسسا، ولارعا ەسىرتكى سالىپ، ۇستاتىپ جىبەرەتىنىن ايتىپ، قورقىتقان.
ەلوردالىق پوليتسيا دەپارتامەنتىندە «بۇزاقىلىق» بابى بويىنشا سوتقا دەيىنگى تەرگەۋ باستالدى.
