پەتروپاۆلدا اۋعانستان مەن قىرعىزستان ازاماتتارىنان ءبىر ميلليون دوزا گەروين تاركىلەندى

None
پەتروپاۆل. قازاقپارات - پەتروپاۆلدا ۇلتتىق قاۋىپسىزدىك كوميتەتىنىڭ قىزمەتكەرلەرى اۋعانستان جانە قىرعىزستاننان كەلگەن ەكى شەتەلدىكتەن 9 كەلىدەن استام گەروين تاركىلەدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىستىق پروكۋراتۋراسىنىڭ مالىمەتىنشە، ارنايى ورگانداردىڭ قىزمەتكەرلەرى وڭىردە ەسىرتكىنىڭ بۇرىن- سوڭدى بولماعان اسا ءىرى پارتياسىن توقتاتا الدى. 9 ك گ گەرويننەن ورتا ەسەپپەن ءبىر رەتتىك قولدانۋعا بولاتىن شامامەن 1 ميلليون دوزا شىعادى. تەرگەۋ بارىسىندا اۋعانستان جانە قىرعىزستان ازاماتتارىنىڭ بۇل ەسىرتكىنى ودان ءارى جەتكىزىپ، ساتپاق بولعاندىعى، سونىڭ ىشىندە س ق و تۇرعىندارىنا دا وتكىزۋدى ماقسات تۇتقانى انىقتالدى. ايىپتالۋشىلاردىڭ كىناسى تولىعىمەن دالەلدەندى. سوتتىڭ ۇكىمىمەن شەتەل ازاماتتارىنىڭ ءارقايسىسى 11 جىلعا باس بوستاندىعىنان ايىرىلادى.

جازاسىن ولار ەڭ جوعارى قاۋىپسىزدىك مەكەمەسىندە وتكەرەدى. جالپى بيىل س ق و- دا ەسىرتكى قۇرالدارى مەن پسيحوتروپتىق زاتتاردىڭ زاڭسىز اينالىمى ءۇشىن بارلىعى 60 ادام سوتتالدى. ونىڭ ىشىندە 20 ادامعا ەسىرتكىنى وندىرگەنى ءۇشىن 10 جىلدان 13 جىلعا دەيىن باس بوستاندىعىنان ايىرۋ جازاسى كەسىلدى.

وسى ساناتتاعى بارلىق قىلمىستىق ىستەردە پروكۋرورلار سوتتاردى كىنالى ادامدارعا قاتىستى ەڭ قاتاڭ جازا تاعايىنداۋعا باعىتتادى.

سوڭعى جاڭالىقتار