قازاقستان تۋرالى جازعان شەتەلدىك جۋرناليستەر ماراپاتتالدى

استانا. قازاقپارات - «قازاقستان شەتەلدىك بۇقارالىق اقپارات قۇرالدارى كوزىمەن» . استانادا ءداستۇرلى حالىقارالىق بايقاۋ جەڭىمپازدارى ماراپاتتالدى.

بيىل قاتىسۋشىلار قاراسى قالىڭ. 40 ەلدەن 70 تەن استام ءوتىنىم تۇسكەن. بۇلاردىڭ اراسىنان 7 جۋرناليستىڭ جۇمىسى ۇزدىك دەپ تانىلدى. ال تۋريزم نوميناتسياسىندا توپ جارعان 2 جۋرناليست استانا، الماتى قالالارى مەن شىعىس قازاقستان وبلىسىنا ساياحاتتاپ بارادى.

سالتاناتتى ءىس- شاراعا وراي سۋرەتشى كارىپبەك كۇيىكوۆتىڭ كورمەسى اشىلدى. سۋرەتشى يادرولىق سىناق زاردابىن كورسەتكەن كارتينالارىن شەتەلدىك قوناقتار نازارىنا ۇسىندى.

بيبىگۇل جەكسەنباي، باس رەداكتورلار كلۋبىنىڭ پرەزيدەنتى:

- كوتەرىلەتىن تاقىرىپتار اۋقىمى دا كەڭەيىپ جاتىر. بۇرىن بارلىق تاقىرىپتارىمىز ساياسي، ەكونوميكالىق ماسەلەلەرگە كوبىرەك ارنالاتىن بولسا، قازىر تۋريزم تاريحقا بايلانىستى، قازاقستاننىڭ بۇگىنىن عانا ەمەس، وتكەن تاريحىنا بايلانىستى قالام تەربەگەن جۋرناليستەردىڭ كوپتىگى قۋانتىپ جاتىر.

نگۋەن سۋان، «ۆەتنام داۋىسى» راديوسىنىڭ ءتىلشىسى:

- قازاقستانعا كەلگەنىمە وتە قۋانىشتىمىن. بايقاۋعا بىرنەشە ماتەريال تاپسىردىم. قازاقستان- ۆەتنام قارىم- قاتىناسى، قازاقستان مادەنيەتى تۋرالى جازدىم. «كوشپەندىلەر» رومانىن ۆەتنام تىلىنە اۋداردىم. سۇحباتتار جاسادىم. ءسىزدىڭ مەملەكەتكە ەكىنشى مارتە كەلىپ وتىرمىن. قاشان كەلسەم دە جەرگىلىكتى حالىقتىڭ جىلى قابىلدايتىنى ۇنايدى.

www.24.kz