استانا تۇرعىنى ادام ءولتىرىپ، كەيىن اۆتوبۋسقا وتىرىپ، كەتىپ قالعان

استانا. قازاقپارات – 26- تامىزدا تۇستەن كەيىن ءۋاليحانوۆ كوشەسىندە «ارتەم» ساۋدا ءۇيى ماڭىنان ەر ادامنىڭ ءمايىتى تابىلدى، - دەپ حابارلايدى Massaget.kz ءتىلشىسى.

ەلوردالىق پوليتسيانىڭ جەكە قۇرامى دەرەۋ وسى ىسكە قاتىسى بار قىلمىسكەردى ىزدەگەن. كەيىن ەكى ادامنىڭ اراسىندا ارتى توبەلەسكە اينالعان داۋ شىققانى انىقتالعان. توبەلەسكە قاتىسۋشىلاردىڭ ءبىرى ەكىنشىسىن جەرگە قۇلاتىپ، پىشاقتاپ، قاشىپ كەتكەن. ال جابىرلەنۋشى سول جەردە قازا تاپتى.

«كۋاگەر پوليتسەيلەرگە كۇدىكتى قاي باعىتتا قاشىپ كەتكەنىن كورسەتتى. جەدەل باسقارۋ ورتالىعىنىڭ قىزمەتكەرلەرى ونىڭ اۆتوبۋسقا وتىرعانىن انىقتادى»، - دەلىنگەن ەلوردالىق پوليتسيا دەپارتامەنتىنىڭ Tengrinews.kz-كە جاۋابىندا.

ناتيجەسىندە كۇدىكتى اعاش زاۋىتى ماڭىندا ۇستالدى. ول ۋاقىتشا ۇستاۋ يزولياتورىنا قامالدى. سوتالدى تەرگەۋ باستالدى، قاجەت ساراپتامالار تاعايىندالدى.