كاسپي بانك عيماراتىن باسىپ العان جىگىت ونىڭ الدىندا ءوزىن ءولتىرۋ ءۇشىن ءدارى ىشكەن

None
استانا. قازاقپارات - بيىل ماۋسىمدا قارۋلانعان بەلگىسىز ەر ادام ەلورداداعى Kaspi Bank عيماراتىنا شابۋىل جاساعان ەدى.

بۇل جاعداي قوعامدى دۇرلىكتىرىپ، وقيعا ورنىنا ەلىمىزدىڭ ىشكى ىستەر ءمينيسترى مەن ەلوردا اكىمى كەلدى. بۇگىن ءىس بويىنشا العاشقى سوت وتىرىسى ءوتتى، دەپ حابارلايدى قازاپارات ءتىلشىسى.

ايتا كەتسەك، زارداپ شەگۋشىلەر مەن ايىپتىنىڭ ادۆوكاتى سوت پروتسەسىن ۆيدەوعا تۇسىرۋگە قارسى شىقتى، ال ايىپتى ءاليحان مۋرادوۆ تۇسىرىلىمگە قارسىلىق بىلدىرمەدى.

سوتتالۋشىعا تاعىلعان ايىپتى پروكۋرور اقشورايەۆ وقىدى.

«تەرگەۋ نۇسقاسىنا سايكەس، ءا. مۋرادوۆ ءدارى-دارمەك قولدانۋ ارقىلى ءوزىن-ءوزى ءولتىرۋ جونىندە شەشىم قابىلداعان. ءبىراق پرەپاراتتىڭ قاجەتتى اسەرىن الماعاندىقتان بانكتى باسىپ الۋ جوسپارىن ويلاپ تاپتى. ول بانكتەن مۇقتاج جاندارعا قاراجات تالاپ ەتكىسى كەلدى، سودان كەيىن ونى ۇستاۋ كەزىندە قىزمەتكەرلەر اتىپ تاستايدى دەپ ويلادى. ءا. مۋرادوۆ قولدا بار قۇرالداردان جارىلعىش قۇرىلعىنىڭ مۋلياجىن جاسادى. سىيلىق دۇكەنىنەن جەڭىل تاپانشا ساتىپ العان. سول ارقىلى بانك بولىمشەسىنە شابۋىل جاساپ، بانك قىزمەتكەرلەرىن كەپىلگە الدى. وسىلايشا ءا. مۋرادوۆ ق ر قىلمىستىڭ كودەكستىڭ 261-بابى، 4-تارماعىنىڭ 2-بولىگىندە كوزدەلگەن ارەكەتكە باردى (كەپىلگە الۋ)»، - دەپ اتاپ ءوتتى ول.

سوت بارىسىندا زارداپ شەككەندەردىڭ دە پىكىرى تىڭدالدى.

«شىنىمدى ايتسام، مەن جانە باسقا دا كەپىلگە الىنعان قىزدار پسيحولوگيالىق تۇرعىدان قاتتى قورقىپ قالدىق. سوندىقتان ايىپتىنى كەشىردىم دەپ ايتا المايمىن، شەشىمدى سوتتىڭ قالاۋىنا قالدىرامىن»، - دەيدى جابىرلەنۋشى اناستاسيا لۋكيانوۆا.

ءوز كەزەگىندە ايىپتالۋشى كەشىرىم سۇرادى.

«كەشىرىم سۇراعىم كەلەدى. ەشكىمگە زيانىمدى تيگىزگىم كەلمەدى»، - دەدى ءوز كەزەگىندە ءاليحان مۋرادوۆ سوت الدىندا.

ەسكە سالا كەتسەك، بيىل 18-ماۋسىمدا قارۋلانعان ەر ادام ەلورداداعى Kaspi بانك عيماراتىندا بىرنەشە كىسىنى تۇتقىندا ۇستاپ وتىردى.

اراعا ۋاقىت سالىپ اتالعان بانكتىڭ باسپا ءسوز قىزمەتى عيماراتتا كليەنتتەردىڭ جوقتىعىن جانە پوليتسيا قىزمەتكەرلەرىنىڭ كۇدىكتىمەن كەلىسسوز جۇرگىزىپ جاتقانىن مالىمدەدى.

وقيعا ورنىنا ىشكى ىستەر ءمينيسترى مارات احمەتجانوۆ بارىپ، كۇدىكتىگە قاتىستى تەرگەۋ امالدارى ءجۇرىپ جاتقانىن ءمالىم ەتتى.

ءوز كەزەگىندە پوليتسيا قىزمەتكەرلەرى كەپىلدەگى ازاماتتاردى بوساتتى.

23-تامىزدا Kaspi Bank عيماراتىنا جاسالعان شابۋىل بويىنشا قىلمىستىق ءىس سوتقا جەتكەنىن حابارلاعان ەدىك.

سوڭعى جاڭالىقتار