نيۋ- يورك، جەنيەۆا، بەرن قالالارىندا يادرولىق سىناقتارعا قارسى ءىس- قيمىل كۇنى اتالىپ وتەدى
2009 -جىلعى 29-تامىز - قازاقستاننىڭ باستاماسىمەن ب ۇ ۇ باس اسسامبلەياسىنىڭ قارارىمەن يادرولىق سىناقتارعا قارسى حالىقارالىق ءىس- قيمىل كۇنى بولىپ بەلگىلەندى.
«1991 -جىلى 29-تامىزدا سەمەي يادرولىق پوليگونى جابىلعانى ءمالىم. الەمدەگى ەڭ ءىرى پوليگوننىڭ جابىلۋى 1996 -جىلى يادرولىق سىناقتارعا جاپپاي تىيىم سالۋ تۋرالى شارتتىڭ قابىلدانۋىنا جول اشتى. حالىقارالىق يادرولىق قارۋعا قارسى كۇرەس كۇنى بۇكىل الەمدە كەڭىنەن اتالىپ وتەدى. وسىلايشا بيىل 29-تامىزدا نيۋ- يوركتە بۇل ماسەلە بويىنشا ب ۇ ۇ باس اسسامبلەياسىنىڭ جوعارى دەڭگەيدەگى پلەنارلىق وتىرىسى وتەدى. ب ۇ ۇ- نىڭ ۆەنا الاڭىندا ق ر سىرتقى ىستەر ءمينيسترى مەن يادرولىق سىناقتارعا جاپپاي تىيىم سالۋ تۋرالى شارت ۇيىمى باسشىسىنىڭ بىرلەسكەن مالىمدەمەسى جاريالانادى، وندا يادرولىق سىناقتار مەن يادرولىق قارۋدان ازات الەمگە قول جەتكىزۋدىڭ ماڭىزدىلىعى ايتىلادى»، - دەدى رەسمي وكىل سىرتقى ىستەر مينيسترلىگىنىڭ اپتالىق بريفينگىندە.
ودان بولەك، ب ۇ ۇ- نىڭ جەنيەۆاداعى ەۋروپالىق بولىمشەسىندە، قازاقستاننىڭ بەرندەگى ەلشىلىگىندە جانە الەمنىڭ باسقا دا قالالارىندا يادرولىق سىناقتار بويىنشا ارنايى دوڭگەلەك ۇستەلدەر مەن ساراپشىلاردىڭ تالقىلاۋلارىن وتكىزۋ جوسپارلانعان.
سونداي- اق، 29-تامىزدا استانادا ورتالىق ازيا مەملەكەتتەرىنىڭ ديپلوماتتارى مەن ساراپشىلارىنىڭ قاتىسۋىمەن ر سىرتقى ىستەر مينيسترلىگى، «حالىقارالىق قاۋىپسىزدىك جانە ساياسات ورتالىعى» جانە «يادرولىق قارۋدى جويۋ جونىندەگى حالىقارالىق ناۋقان» (ICAN) ۇكىمەتتىك ەمەس ۇيىمدارىمەن بىرلەسىپ، «يادرولىق قارۋدىڭ گۋمانيتارلىق سالدارى جانە ورتالىق ازيا يادرولىق قارۋدان ازات ايماق» اتتى وڭىرلىك كونفەرەنسيا جوسپارلانىپ وتىر.
