بولگارياداعى قازاقستاندىق جاس وسپىرىمدەر جانجالى نەمەن اياقتالدى

None
استانا. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ بولگارياداعى قازاقستاندىق جاس فۋتبولشىلار داۋى نەمەن اياقتالعانىن، ەلشىلىكتىڭ قانداي كومەك كورسەتكەنىن ءتۇسىندىردى، دەپ حابارلايدى قازاقپارات ءتىلشىسى.

بۇعان دەيىن الەۋمەتتىك جەلىدە بولگارياداعى فۋتبول الاڭىندا بولعان جانجال ۆيدەوسى تاراعان ەدى.

«بۇل - ادەتتەگى، كەز كەلگەن سپورتتىق ماتچ كەزىندە بولاتىن جانجال. وندا جاس وسپىرىمدەر چەمپيوناتى بولعان، ءبىزدىڭ ءۇش-ءتورت جەكە كوماندامىز بارعان. ولار سىرتقى ىستەر مينيسترلىگىنە دە، ەلشىلىككە دە حابار بەرمەگەن. الايدا، ءبىزدىڭ ديپلوماتتار ءوز جاردەمىن ۇسىندى، وقيعا ورنىنا جەرگىلىكتى پوليتسيا باردى. ءار تاراپ ءوز تۇسىندىرمەلەرىن بەردى. ءبىر- بىرىنە ەش كىنارات قويماعاندىقتان، تاراپتار ءوزارا ىمىراعا كەلىپ، ەش ارىز جازىلعان جوق»، - دەپ ءتۇسىندىردى ا. سمادياروۆ مينيسترلىكتە وتكەن اپتالىق بريفينگتە.

سونىمەن بىرگە، رەسمي وكىل جاتتىقتىرۋشىمەن جانە اتا-انالارمەن سويلەسكەن، ولار 26- تامىزدا ەلگە ورالدى.

«ءبىزدىڭ بولگارياداعى ەلشىلىگىمىز ءتيىستى جۇمىس جۇرگىزدى. بولگاريا سىرتقى ىستەر مينيسترلىگىنە، سودان كەيىن قالا پوليتسياسىنا ءمان-جايدى انىقتاۋ جانە كىنالىلەردى جاۋاپقا تارتۋ تۋرالى ءوتىنىش جىبەرىلدى. سونداي-اق، تۋرنير اياقتالعانشا قازاقستاندىق قاتىسۋشىلاردىڭ قاۋىپسىزدىگىن قامتاماسىز ەتۋ تۋرالى قالا اكىمشىلىگىمەن جانە جەرگىلىكتى پوليتسيامەن ۋاعدالاستىق جاسالدى»، - دەدى ايبەك سمادياروۆ.

سوڭعى جاڭالىقتار