كونستيتۋتسيا كۇنى استانادا قانداي شارالار وتەدى
بۇل جايىندا وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا ايتىلدى، دەپ حابارلايدى قازاقپارات ءتىلشىسى.
كونستيتۋتسيا كۇنىنە ارنالعان شارالاردىڭ ىشىندەگى ەڭ اۋقىمدىسى - ماجارستان، گرۋزيا، يزرايل جانە وزبەكستاننان كەلگەن ونەرپازداردىڭ قاتىسۋىمەن وتەتىن «The Spirit of Astana» حالىقارالىق زاماناۋي ەتنيكالىق مۋزىكا فەستيۆالى بولماق. بريفينگتە مۋزىكالىق شارانىڭ 30- تامىزدا ساعات 12.00 دەن 22.00 گە دەيىن «ەكسپو» كورمە كەشەنىنىڭ اۋماعىندا وتەتىنى ايتىلدى.
سونداي-اق، 30- تامىزدا ساعات 14.00 دەن 21.00 گە دەيىن ەلوردا تۇرعىندارى مەن قوناقتارى ورتالىق قالالىق ساياباقتاعى «Salem fest» بوياۋ فەستيۆالىنە قاتىسا الادى.
ساعات 19.00 دە ەلورداداعى امفيتەاتردا Dequine ،Moldanazar، ميراس جۇگىنىسوۆ سياقتى تانىمال ونەرپازداردىڭ كونسەرتى ۇيىمداستىرىلادى.
وسى كۇنى ساعات 12.00 دە ءازىربايجان مامبەتوۆ اتىنداعى مەملەكەتتىك دراما جانە كومەديا تەاترىنىڭ الدىنداعى اشىق الاڭدا كونسەرت وتەدى. 2- قىركۇيەكتە ونەر ورداسى ش. ايتماتوۆتىڭ «بوراندى بەكەت» دراماسىمەن تەاتر ماۋسىمىن اشادى.
1-3- قىركۇيەكتە قۋىرشاق تەاترى «الدار كوسە» حالىق ەرتەگىسى نەگىزىندە سپەكتاكل ۇسىنادى.
سونداي-اق، «كوكتال»، «ۇركەر»، «ءوندىرىس»، «ينتەرناتسيونالنىي» تۇرعىن الاپتارىندا «Keruen Fest» مەرەكەلىك باعدارلاماسى ۇيىمداستىرىلادى. 30- تامىزدا ساعات 12.00 دە «كوكتال» شاعىن اۋدانىنىڭ «قورعالجىن» ساياباعىندا تەگىن مەرەكەلىك كونسەرت جوسپارلانعان.
استانا قالاسىنىڭ بىرىككەن مۇراجايلار ديرەكتسياسىندا «تاۋەلسىزدىك تىرەگى - اتا زاڭ»، «يادرولىق قارۋسىز الەم - قازاقستاننىڭ جاھاندىق ميسسياسى» دارىستەرى، سونداي-اق «اتا زاڭىم - ايبىنىم» كورمەسى وتەدى. ورتالىقتاندىرىلعان كىتاپحانا جۇيەسىنىڭ كىتاپحانالارىندا وقىرماندار ءۇشىن شەبەرلىك سىنىپتارى مەن تانىمدىق-ويىن-ساۋىق ساباقتارى وتەدى.
«الداعى كۇندەرى ەلوردانىڭ بەس اۋدانىندا جەرگىلىكتى تۇرعىندار ءۇشىن «كوڭىلدى ستارت» ەستافەتاسى وتەدى. ەسىل اۋدانى ۇيىمدارىنىڭ ەرلەر كوماندالارى اراسىندا فۋتبولدان جولداستىق كەزدەسۋ جوسپارلانعان»، - دەيدى قالالىق دەنە شىنىقتىرۋ جانە سپورت باسقارماسىنىڭ باسشىسى سامات جىلقىبايەۆ.
مەرەكە كۇنى دەنە شىنىقتىرۋ-ساۋىقتىرۋ سپورت كەشەنىندە ۇلدار مەن قىزدار اراسىندا ەستافەتا جوسپارلانعان. «نۇرا» دەنە شىنىقتىرۋ-ساۋىقتىرۋ كەشەنىندە 7№ بالالار-جاس وسپىرىمدەر سپورت مەكتەبىنىڭ سپورتشىلارى اراسىندا شاعىن فۋتبولدان مەرەكەلىك جولداستىق كەزدەسۋ وتەدى.
