الماتى مەكتەپتەرىنە قانداي مۇعالىمدار جەتىسپەيدى
2023-جىلدىڭ 1- تامىزىنداعى جاعداي بويىنشا وقۋ ورىندارى تاپشىلىعى - 27500 ورىن. بيىل 5570 ورىنعا لايىقتالعان 11 نىساندى ىسكە قوسۋ جوسپارلانعان، ونىڭ ىشىندە 1- قىركۇيەككە دەيىن 1500 ورىنعا لايىقتالعان ءبىر مەكتەپتىڭ قۇرىلىسى اياقتالادى. سونداي-اق 3150 بالاعا ارنالعان 6 جەكەمەنشىك مەكتەپ اشۋ جوسپارلانعان، - دەلىنگەن باسقارما ۇسىنعان اقپاراتتا.
قالادا «جايلى مەكتەپ» ۇلتتىق جوباسى اياسىندا 37100 ورىنعا ارنالعان 22 مەكتەپ سالىنادى دەپ جوسپارلانعان.
«الماتىدا ءۇش اۋىسىمدى مەكتەپ جوق. 2022-جىلى ءبىر اپاتتى مەكتەپ (59№) بولدى. بيىل مەكتەپتە كۇردەلى جوندەۋ جۇمىستارى باستالدى»، - دەلىنگەن اقپاراتتا.
قالادا ءبىرقاتار ءپان بويىنشا مامان تاپشىلىعى بار. ولار:
ماتەماتيكا - 103؛
باستاۋىش سىنىپ - 93؛
ورىس ءتىلى - 62؛
ينفورماتيكا - 52؛
فيزيكا - 50؛
قازاقستان تاريحى - 47؛
شەت ءتىلى - 42؛
قازاق ءتىلى - 37؛
حيميا - 33؛
مۋزىكا - 32؛
گەوگرافيا - 31؛
بيولوگيا - 23؛
دەنە شىنىقتىرۋ - 14.
