پيراميداعا شىققان تاجىكستاندىقتاردىڭ وزدەرى - اكىمدىك جارمەڭكەدەگى ۆيدەوعا تۇسىنىك بەردى

None
استانا. قازاقپارات - استانا قالالىق ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ماقسات جاڭابايەۆ تاجىكستان اۋىل شارۋاشىلىعى جارمەڭكەسىنە قاتىستى الەۋمەتتىك جەلىدە تاراعان ۆيدەولارعا پىكىر ءبىلدىردى، دەپ حابارلايدى قازاقپارات ءتىلشىسى.

«شىنىمەن دە تاجىكستان رەسپۋبليكاسىنىڭ مادەني كۇندەرى اياسىندا ۇلكەن ءىس-شارا ۇيىمداستىرىلدى. ول - تاجىكستاننىڭ سوعدى وبلىسى شارۋالارىنىڭ جارمەڭكەسى. 300 دەي اۋىل شارۋاشىلىعى تاۋارىن ءوندىرۋشى 1 مىڭ توننادان استام ءونىم اكەلدى. ءيا، اتالعان تاۋارلاردى ادامداردىڭ الىپ كەتكەنىن كوردىك. ءبىراق، تاجىك دوستارىمىز ول تاۋارلاردى تەگىن الۋعا بولاتىنىن ايتقان. ويتكەنى، ءونىم كۇننىڭ استىندا بۇزىلىپ كەتۋى مۇمكىن ەدى. ونىمدەر وتە ساپالى. بۇگىندە تاجىكستاننان قاربىز جەتكىزىلمەيدى. ويتكەنى، جەتكىزۋ وتە قىمبات. سوندىقتان دا ادامدار تاجىكستاننىڭ ءتاتتى قاۋىنى مەن قاربىزىنىڭ ءدامىن تاتقىسى كەلدى. ءوزىم دە ءدامىن كوردىم، وتە ءتاتتى»، - دەدى ول ورتالىق كوممۋنيكاتسيالار قىزمەتىندەگى دوڭگەلەك ۇستەل وتىرىسىندا.

ونىڭ اتاپ وتۋىنشە، جارمەڭكە وتە جاقسى وتكەن. تاجىك اۋىل شارۋاشىلىعى تاۋارلارىن وندىرۋشىلەر 2 كۇندە 1 مىڭ توننادان استام ءونىمنىڭ ءبىر بولىگىن ساتىپ، ءبىر بولىگىن تەگىن تاراتتى.

«پيراميداعا ورمەلەپ شىققان تاجىكستاننان كەلگەن قوناقتاردىڭ وزدەرى بولدى. ولار سول جەردەن جەمىس-جيدەكتى الىپ، ادامدارعا تەگىن تاراتتى. ءبىزدىڭ تۇرعىندار پيراميداعا شىققان جوق»، - دەدى ماقسات جانابايەۆ.

ەسكە سالا كەتەيىك، ءبىز بۇعان دەيىن تاجىكستاننىڭ ەلورداداعى كورمە-جارمەڭكەسى مەرزىمىنەن بۇرىن اياقتالعانىن حابارلاعانبىز.

سوڭعى جاڭالىقتار