شەتەلدە عىلىمي تاعىلىمدامادان وتۋگە ءوتىنىم قابىلداۋ باستالدى

استانا. قازاقپارات - شەتەلدە عىلىمي تاعىلىمدامادان (500 عالىم) ءوتۋ ءۇشىن كونكۋرستىق ىرىكتەۋگە قاتىسۋعا ءوتىنىم قابىلداۋ 2023-جىلعى 13- قازانعا دەيىن جالعاسادى، دەپ حابارلايدى قازاقپارات.

«حالىقارالىق باعدارلامالار ورتالىعى» ا ق مالىمەتىنشە، رەسپۋبليكالىق كوميسسيا گرانت تاعايىنداۋدى جەلتوقسان ايلارىندا جۇزەگە اسىرادى.

كونكۋرسقا قاتىسۋ ءۇشىن قۇجاتتاردى «حالىقارالىق باعدارلامالار ورتالىعى» اق- دا مىنا مەكەنجايدا: استانا قالاسى، سىعاناق ك- ءسى، 70- ءۇي «سىعاناق» بيزنەس ورتالىعى، 5-قابات، 508-كابينەتتە قولما قول (قاعاز جۇزىندە، سونداي-اق ەلەكتروندى تاسىمالداعىشتاعى سكانەرلەنگەن نۇسقاسى) قابىلدانادى.

«قۇجاتتى ءۇشىنشى تۇلعا كەلىپ تاپسىرعان جاعدايدا - كونكۋرستىق ىرىكتەۋگە قاتىسۋعا قۇجات تاپسىرۋ ءۇشىن وكىلدىڭ اتىنا بەرىلگەن ۇمىتكەردەن نوتاريالدى كۋالاندىرىلعان سەنىمحاتتىڭ ءتۇپنۇسقاسى بولۋى قاجەت»، - دەپ ەسكەرتتى ۆەدومستۆو.