قازاقستاندىق كاسىپكەر ا ق ش- تا كاسىبىن دوڭگەلەتىپ وتىر

استانا. قازاقپارات-الپاۋىت ا ق ش- تا «قازاق برەندى» جازۋىمەن ءونىم شىعارىپ، كاسىبىن دوڭگەلەتىپ وتىرعان وتانداسىمىز بار. ايدىن ەسەنگەلدى ەڭبەك ەتسەڭ، تابىندىلىق تانىتساق، الەمنىڭ قاي جەرىندە دە تابىسقا جەتۋگە بولاتىنىن ايتادى.

نيۋ- دجەرسي شتاتىنداعى بۇل دۇكەنگە بالالار ءجيى كەلەدى. ويتكەنى مۇندا ءدامى ءتىل ۇيىرەتىن ءتاتتى توڭبالار ساتىلادى. قوسپاسىز جاسالعان تابيعي ءونىمدى قازاقستاندىق كاسىپكەر ايدىن ەسەنگەلدى ءوندىرىپ وتىر. «ديزاينى قاراعاندىدا جاسالعان» قازاق برەندى جازۋىمەن ساتىلاتىن «Yes Candy» - ءدى شىعارۋ ءۇشىن سەگىز اي كەتكەن.

ايدىن ەسەنگەلدى، كاسىپكەر:

- بۇكىل الەم قىتايمەن جۇمىس ىستەپ جاتىر. Apple بولسىن، امازون، Adidas بولسىن، باسقا بولسىن. برەندتەر امەريكالىق، ءبىراق ءوندىرىس قىتايدىكى. مەن دە سولاي ىستەدىم. برەند قازاقتىكى، امەريكادا، رەسەيدە، قازاقستاندا ساتىلادى. ءبىراق قىتايدا جاسالعان.

قازاق كاسىپكەرى تەك ءتاتتى ءونىم شىعارۋمەن شەكتەلىپ وتىرعان جوق. جۇك كولىكتەرىنە ارنالعان ماي سۇزگىشتەرىن دە شىعارادى. البەتتە ونىڭ دا قازاق برەندى دەگەن تاڭباسى بار. ساۋداسى قىزىپ تۇر. ويتكەنى ا ق ش- تا اۋىر جۇك كولىكتەرى كوپ. سوندىقتان كاسىبىن كەڭەيتىپ، تراك بيزنەسى قانات جايعان چيكاگودا ارنايى قويما اشپاق. قىتايدا ءبىلىم العان ول ءتۇرلى ءونىم شىعارۋدى جوسپارلاپ وتىر.

ايدىن ەسەنگەلدى، كاسىپكەر:

- مىنا جەردە ءار ءتۇرلى جازۋ جازۋعا بولادى. سمارتفون ارقىلى قازاقستاننىڭ تۋىن شىعارامىن. مىنە بىرەرەر سەكۋندتا شىقتى.

قازىر ايدىن ا ق ش نارىعىنا قىتايدان كەز كەلگەن تاۋاردى جەتكىزۋمەن اينالىسادى. ونىڭ ۇستانىمى - تالماي ەڭبەك ەتسەڭ، ءتۇبى جەمىسىن كورەسىڭ. قازاق برەندىمەن الەمدىك سۇرانىسقا يە ءونىم شىعارۋ ونىڭ باستى ارمانى.

اۆتورى: نۇربەك بەكەن

www.24.kz