دانيا كوپشىلىك الدىندا قۇران ورتەۋگە تىيىم سالادى

None
استانا. قازاقپارات - دانيا بيلىگى قاسيەتتى كىتاپتى، ونىڭ ىشىندە قۇران، ءىنجىل نەمەسە تورانى كوپشىلىك الدىندا ورتەۋگە تىيىم سالادى.

مۇنداي ارەكەتكە بارعاندار ەكى جىلعا دەيىن باس بوستاندىعىنان ايىرىلۋى مۇمكىن. بۇل تۋرالى بۇگىن دانيانىڭ ادىلەت ءمينيسترى حۋممەلگورد مالىمدەدى، دەپ حابارلايدى قازاقپارات Deusche Welle باسىلىمىنا سىلتەمە جاساپ.

ونىڭ سوزىنشە، قۇراندى ورتەۋ - دانيالىقتاردىڭ قاۋىپسىزدىگىنە شەتەلدە بولسىن، ەل ىشىندە بولسىن ءقاۋىپ توندىرەتىن جابىرلەۋ اكتىسى.

دانيا ءسىم باسشىسى لارس لەككە راسمۋسسەن بۇل شەشىمدى ماڭىزدى بەلگى دەپ اتادى.

وسىلايشا دانيا ۇكىمەتى مۇسىلمان ەلدەرىندە كەيىنگى ايلاردا بولىپ جاتقان جاپپاي نارازىلىق شارالارىنا جاۋاپ بەردى.

بۇل شارالاردىڭ كەيبىرى ەكىجاقتى قارىم-قاتىناستى ۋشىقتىرىپ جىبەرگەن.

قازىرگى كۇنگە دەيىن دانيا پىكىر ءبىلدىرۋ ەركىندىگى قاعيداتىن ۇستانىپ، قۇراندى ورتەۋ نەمەسە وسىعان ۇقساس ارەكەتتەرگە تىيىم سالمايتىن. مۇنداي شەكتەۋ شۆەتسيادا دا تالقىلانىپ جاتىر.

دانيا مەن شۆەتسياداعى قۇران ورتەۋ اكتسيالارى اراب ەلدەرىندە نارازىلىق تۋدىردى.

سولاردىڭ بىرىنەن كەيىن جۇزدەگەن نارازى ادام باعداد كوشەلەرىنە شىعىپ، يراكتاعى دانيا ەلشىلىگىنىڭ الدىنا جينالدى.

كۇشتىك قۇرىلىمدار جينالعانداردى سۋ اتقىشپەن تاراتتى. قاشقىندارعا كومەك كورسەتەتىن Dansk Flygtningehjælp گۋمانيتارلىق ۇيىمىنا يراكتا قارۋلى شابۋىل جاسالدى.

دانيا مەن شۆەتسيادا قۇران نەمەسە باسقا دا قاسيەتتى كىتاپتاردى ورتەۋ قىلمىستىق ءىس سانالماعان.

2017 -جىلى دانيا پارلامەنتى دىنىنە ءتىل تيگىزگەنى ءۇشىن ايىپتاۋعا بولاتىن «قۇدايعا ءتىل تيگىزۋ بابىنىڭ» كۇشىن جويدى.

دەگەنمەن راسيستىك دەپ تانىلعان ارەكەتتەر ءۇشىن جازا قاراستىرىلعان، دەپ جازدى جۋرناليستەر.

سوڭعى جاڭالىقتار