19:58, 25 - تامىز 2023 | GMT +6
قاراعاندى وبلىسىندا جاس ءوسپىرىم اناسىنا شابۋىل جاساعان ۇرىنى ۆيدەوعا ءتۇسىرىپ العان
قاراعاندى. قازاقپارات - قاراعاندى وبلىسىنىڭ قارقارالى قالاسىندا ەر ادام ايەلگە ءوز ءۇيىنىڭ اۋلاسىندا شابۋىل جاسادى.
شابۋىل ءساتىن جابىرلەنۋشىنىڭ ۇلى ۆيدەوعا ءتۇسىرىپ الدى، دەپ حابارلايدى قازاقپارات ءتىلشىسى.
تاپا-تال تۇستە بەلگىسىز ەر ادام 51 جاستاعى قارقارالى تۇرعىنىنا شابۋىل جاساعان. ءۇيىنىڭ اۋلاسىندا قاسكۇنەم ايەلدىڭ باسىنا بىرنەشە رەت سوققى بەرگەن. وسى ۋاقىتتا ايەلدىڭ ۇلى بۇل جايتتى كامەراعا ءتۇسىرىپ، ادامداردى كومەككە شاقىرعان.
قىلمىسكەردىڭ نەلىكتەن شابۋىل جاساعانى ءالى بەلگىسىز. ونى قازىر پوليتسيا ىزدەستىرىپ جاتىر.
«بەلگىسىز ازاماتتىڭ قارقارالى اۋدانى تۇرعىنىنا قاتىستى جاسالعان شابۋىل دەرەگى پوليتسيادا تىركەلدى. قازىرگى ۋاقىتتا پوليتسيا قىزمەتكەرلەرى كۇدىكتىنى انىقتاۋ جانە ۇستاۋ بويىنشا كەشەندى جەدەل-ىزدەستىرۋ ءىس-شارالارىن جۇرگىزىپ جاتىر»، - دەپ ءمالىم ەتتى قاراعاندى وبلىسىنىڭ پ د باسپا ءسوز قىزمەتى.
