استانانىڭ نۇرا اۋدانى قالاي اباتتاندىرىلادى
«بۇگىن 2035-جىلعا دەيىنگى باس جوسپاردىڭ قورىتىندى تالقىلاۋى وتۋدە. ونىڭ شەڭبەرىندە بۇكىل قالانى اباتتاندىرۋ جانە كوگالداندىرۋ بويىنشا جوسپارلار قۇرىلادى. تۇراننىڭ باتىس بولىگىندە ورنالاسقان نۇرا جاڭا اۋدانىنا كەلەتىن بولساق، وندا جالپى جوسپار قابىلداندى، ول ورىنداۋ كەزەڭدەرىنە ءبولىندى. قازىردىڭ وزىندە جاعالاۋ، SAT CITY جانە ادامدار تۇراتىن باسقا اۋماقتار بار. تيىسىنشە، ءبىرىنشى كەزەڭدە قوعامدىق كەڭىستىكتەردى، اۋلا اۋماقتارىن اباتتاندىرۋ، كوشەلەردى كوگالداندىرۋ جۇمىستارى جۇرەدى»، - دەدى ەرلان بازىكەن.
ونىڭ ايتۋىنشا، ۇلكەن تالدىكول اۋدانىندا رەكرەاتسيالىق ايماق ورنالاسادى. ال كىشى تالدىكول ماڭىندا كولەمى 150 گەكتاردان اساتىن ەكوپارك قۇرىلادى.
«كوگالداندىرۋعا، اباتتاندىرۋعا، جاياۋ جۇرگىنشىلەرگە ارنالعان ينفراقۇرىلىمعا باسا نازار اۋدارىلادى. سونىمەن قاتار، وسى ۋچاسكەلەردە بولاتىن بيوارتۇرلىلىكتى ساقتاۋ ماڭىزدى. سوندىقتان مۇندا تابيعي ساياباق بولادى. بىزگە جاياۋ سەرۋەندەپ، فاۋنا مەن بيوارتۇرلىلىكتى كورۋگە بولاتىن تابيعي ساياباق كوبىرەك كەرەك»، - دەپ تۇيىندەدى ەرلان بازىكەن.
ايتا كەتەيىك، بۇگىن ەلوردادا قالا تۇرعىندارىمەن بىرلەسىپ، شاھاردىڭ باس جوسپارىن تالقىلاۋ ءوتىپ جاتىر.
