تاسجولدا دايىندالعان شاڭعىشىلار

استانا. قازاقپارات - شىعىس قازاقستان وبلىسىنىڭ شاڭعىشىلارى مەن بياتلونشىلارى تاس جولداردىڭ بويىندا جاتتىعۋ جاساپ ءجۇر. سەبەبى ارنايى ورىن جوق. ولاردىڭ جازعى جيىنى قازىر ريددەر قالاسىندا ءوتىپ جاتىر.

سپورتشىلار شاڭعى روللەرلى جول سالۋ تۋرالى 20 جىلدان بەرى ايتىپ ءجۇر. ءتىپتى، جاتتىقتىرۋشىلار ءوز قارجىسىنا جوباسىن دا جاساپ قويعان. شىعىس قازاقستان وبلىسىنىڭ شاڭعىشىلارى مەن بياتلونشىلارى جازدا تاسجولدا جاتتىعۋ جاسايدى. ۇلتتىق قۇراماداعى سپورتشىلاردىڭ 20 پايىزى ريددەرلىك شاڭعىشىلار. ال ءدال مىنانداي جاعدايدا جاتتىعۋعا سپورتشىنىڭ ءبارى بىردەي شىداي المايدى. سوفيا كولگانوۆا 13 جاسىندا ەل بىرىنشىلىگىنىڭ كۇمىس جۇلدەگەرى اتانىپ، وزىنەن بىرنەشە جاس ۇلكەن سپورتشىلاردى باسىپ وزدى. «ارنايى شاڭعى جولى جوق جەردە تەحنيكالىق شەبەرلىكتى شىڭداۋ وتە قيىن» ، - دەيدى ول.

سوفيا كولگانوۆا، سپورتشى:

- ءبىز بويىمىزداعى ەرىك- جىگەر مەن تۋابىتتى مىنەزدىڭ ارقاسىندا عانا جارىستاردا جۇلدەگەر اتانىپ ءجۇرمىز. ايتپەسە ءوزىمىز جاتتىعاتىن مىنا جولدىڭ وي- شۇڭقىرى كوپ. كوبىنە اينالىپ وتۋگە تۋرا كەلەدى. بىزگە شاڭعى- روللەرلى جول سالىپ بەرسە ەكەن دەيمىز. قازاقستاندىق شاڭعى سپورتىنىڭ وتانى سانالاتىن ريددەردە ءالى كۇنگە دەيىن جازدىڭ كۇنى جاتتىعۋعا ارنالعان شاڭعى تراسساسى جوق. ال ەلىمىزدىڭ وزگە وڭىرلەرىندە شاڭعى- روللەرلى بازالار قالىپتاسىپ ۇلگەرگەن.

تاتيانا دۋدچەنكو، ق ر سپورتىنا ەڭبەگى سىڭگەن قايراتكەر:

- وزگە وبلىستار شاڭعى سپورتىن دامىتۋعا بارىنشا جاعداي جاساپ جاتىر. پاۆلودار وبلىسىندا ءبىر ەمەس، ەكى بىردەي شاڭعى جولى بار. قوستانايدا ۇلكەن كەشەن سالىنىپ جاتىر. اقتوبەنىڭ دە شاڭعى- روللەرلى بازاسى بار ەكەنىن بىلەمىز. قىسقى سپورت تۇرلەرىنەن ريددەردىڭ وتە مىقتى ەكەنىنە تاريح كۋا. ءبىز قاشانعا وسىلاي جۇرەمىز؟ ريددەر شاڭعىشىلارىنا قاجەتتى قارجىنى قوعام بەلسەندىسى تاۋىپ بەرەدى. جەرگىلىكتى شەنەۋنىكتەردىڭ شاراسىزدىعىنان ول ءوز قارجىسىنا شاڭعى- روللەرلى تراسساسىنىڭ جوباسىن جاساتىپ تا قويعان.

ميحايل كوۆالەۆ، وليمپيادالىق رەزەرۆتەر دايارلايتىن جاستار مەن جاسوسپىرىمدەر سپورت مەكتەبىنىڭ جاتتىقتىرۋشىسى:

- ول بۇگىندە ساراپتامادان ءوتتى. بارلىق كەلىسىمدەر مەن رۇقساتنامالارىنا دەيىن الىپ قويدىق. 18 -ماۋسىم كۇنى ريددەر قالاسىنىڭ اتىنان سپورتتىق- تۋريستىك ينفراقۇرىلىمدى دامىتۋ ماقساتىندا بيۋدجەتتىك ءوتىنىم بەرىلدى. ريددەر قالالىق اكىمدىگىندەگىلەر شاڭعىشىلاردىڭ جاتتىعۋ بازاسىنىڭ قۇرىلىسىنا قاجەتتى قارجى جەرگىلىكتى بيۋدجەتتە جوق ەكەنىن ايتادى. وعان 120 ميلليون تەڭگە كەرەك.

ەكاتەرينا كۋلاكوۆا، قالالىق ىشكى ساياسات، مادەنيەت، تىلدەردى دامىتۋ جانە سپورت ءبولىمىنىڭ باس مامانى:

- اتالعان بيۋدجەتتىك ءوتىنىم بويىنشا وبلىستىق ءماسليحات سەسسياسىندا ناقتى ءبىر شەشىم قابىلدانادى. ول وسى جىلدىڭ سوڭىنا دەيىن ورىندالىپ قالۋى ءتيىس. جاڭا سپورت نىسانى اشىلسا، ۇيىرمەلەر تولىعا تۇسەر ەدى. باسكەلەستىك بولعان جەردە سپورتشىلاردىڭ ءوزىن ءوزى دامىتۋى جاقسارادى. ءبىزدىڭ ەلىمىزدە قازىر ءبىر سپورت تۇرىنەن 5 اق شاڭعىشى سىنعا ءتۇسىپ ءجۇر. بۇل كورسەتكىش ءۇش ەسەگە دەيىن ارتقان كەزدە عانا ناتيجە جاقسارادى.. .

www.24.kz