اتىراۋدا ۇلتتىق قىزدار مەكتەبى سوت شەشىمىمەن جابىلدى

None
اتىراۋ. قازاقپارات - اتىراۋدا 7-سىنىپ وقۋشىلارىن ليتسەنزياسىز وقىتقان قىزدار مەكتەبى جۇمىسىن توقتاتتى، دەپ حابارلايدى قازاقپارات ءتىلشىسى.

اتىراۋ وبلىسىنىڭ مامانداندىرىلعان اۋدانارالىق ەكونوميكالىق سوتىندا «قازاق ۇلتتىق قىزدار مەكتەبى» ج ش س قىزمەتىن توقتاتۋ جونىندە ازاماتتىق ءىس قارالدى.

تالاپ ارىزدى اتىراۋ وبلىسىنىڭ ءبىلىم سالاسىنداعى ساپانى قامتاماسىز ەتۋ دەپارتامەنتى بەرگەن.

«قازاق ۇلتتىق قىزدار مەكتەبى» ج ش س زاڭدى تۇلعا رەتىندە 2022 -جىلعى 18-ماۋسىمدا ازاماتتارعا ارنالعان ۇكىمەتتە تىركەلگەن. قىزمەتىن ليتسەنزيالاۋدى تالاپ ەتەتىن ءبىلىم بەرۋ قىزمەتىنىڭ كىشى ءتۇرى دەپ كورسەتكەن. الايدا، مەكتەپ ءوز قىزمەتىن اتىراۋ قالاسىندا 2022-2023 وقۋ جىلىنىڭ 1-قىركۇيەگىندە 7-سىنىپقا 117 بالانى قابىلداپ، جەكە ءبىلىم بەرۋ ۇيىمى رەتىندە باستاعان.

«قازاق ۇلتتىق قىزدار مەكتەبى» ج ش س تاراپىنان قازاقستان رەسپۋبليكاسىنىڭ ءبىلىم سالاسىنداعى زاڭناماسىن بۇزۋعا، اتاپ ايتقاندا، ليتسەنزيا بولماعان كەزدە قىزمەتتى جۇزەگە اسىرۋعا جول بەرىلدى»، - دەپ حابارلادى سوتتىڭ باسپا ءسوز قىزمەتى.

سوتتىڭ شەشىمىمەن دەپارتامەنتتىڭ تالابى قاناعاتتاندىرىلدى. «قازاق ۇلتتىق قىزدار مەكتەبى» ج ش س-نىڭ ءبىلىم بەرۋ قىزمەتى توقتاتىلدى.

سوت اكتىسى زاڭدى كۇشىنە ەنگەن جوق.

ەسكە سالا كەتەلىك، بۇعان دەيىن اتىراۋدا بىرنەشە مەكتەپتىڭ وقۋشىلارى جوندەۋ جۇمىسىنا بايلانىستى وزگە ءبىلىم ورداسىندا وقيتىنىن حابارلاعان ەدىك.

اتىراۋ قالالىق ءبىلىم ءبولىمىنىڭ باسشىسى ايناگۇل دۇيسەكەنوۆانىڭ مالىمەتىنشە، 5 مەكتەپتە جوندەۋ جۇمىستارى جۇرگىزىلۋىنە بايلانىستى وقۋشىلاردى وزگە ءبىلىم وردالارىندا وقىتۋ كوزدەلىپ وتىر.

سونداي-اق، كەشەندى تەكسەرۋدەن كەيىن ى. التىنسارين، س. مۇقانوۆ جانە م. لومونوسوۆ اتىنداعى مەكتەپتەرىنىڭ عيماراتى اپاتتىق جاعدايدا ەكەنى انىقتالعان.

سول سەبەپتەن، اتالعان ءبىلىم وردالارىنىڭ وقۋشىلارى وزگە مەكتەپتەردە وقيدى.

سوڭعى جاڭالىقتار